Amplifier Restaurant (花園街) (Closed)

今次去咗旺角食西餐，知道餐廳逢星期四至六會有Live Music，所以特意選擇咗星期四過黎，可以一邊聽歌、一邊享受美食，簡直係雙重享受。炭烤美國黑安格斯西冷扒牛扒選擇咗7成熟，切開中間粉嫩，入口炭香味濃，肉質厚實軟腍，邊位會較多脂肪，配菜有焗薯同焗蒜頭，焗薯切到一片片，面層金黃、內裡軟腍，入口香濃忌廉牛油同芝士味，味道不會比主菜遜色。香煎帶子黑松露扁意大利麵帶子外層煎至金黃香脆，入口嫩滑，三文魚籽提升鮮甜味，意粉掛滿醬汁，醬汁creamy帶黑松露幽香。