Chibee Chicken and Beer (Closed)

位於尖沙咀繁華鬧市，居高臨下俯瞰高樓大廈的景象。店內環境寬敞舒適，空間又大！非常適合一大班朋友來聚餐。餐牌是全英文，我覺得應該加返中文解釋會讓人更易理解。我同朋友都鍾意食辣，所以叫了個甜辣炸雞炸雞面頭舖滿了甜辣醬，辣味不辣，只是有香辣的口感，就算唔食得辣嘅人都可以接受到。雞肉都幾嫩滑，一啲都唔鞋，而且它全部去晒骨，食落啖啖肉唔使lur 骨，不錯部隊鍋十分足料澎湃，裡面有泡菜、金菇、午餐肉、腸仔、韓式餃子、韓國拉麵⋯味道偏向酸味，唔會好辣，拉麵彈牙湯濃。卡邦尼年糕第一次食，我覺得醬汁唔夠杰身，好稀完全沒有卡邦尼那種濃稠的質感，年糕又唔夠入味。