Aroma Truffle (Closed)

平時喺銅鑼灣Hyson行街 都會經過見到呢一間買舖頭 頭幾次經過感覺好高級咁 但就行過冇理到 之後有次屎忽痕睇吓佢買咩 咦！原來係我最喜愛嘅黑松露薯片阿！😍😍佢舖頭有得試食 我即刻貪小便宜嘅心態又出咗嚟🤣試晒咁多款先決定買邊個😋最後我買咗原味同埋巴馬臣芝士味！淨係睇外表已經覺得好高級！ 我之後過咗幾日有朋友上嚟食飯就順便開埋嚟一齊食！一開嘅時候滿滿嘅黑松露味已經撲向我個鼻😍另外佢嘅薯片仲要係有抗紋嗰隻 我覺得特別好食！除咗黑松露之外薯片仲加入左巴馬臣芝士 每塊咬落去都會滲少少芝士嘅香味 都幾有層次👍🏻而且呢一款薯片都好貼心 食唔晒個袋自己有zip位俾你封住 方便保存🥳