Video
Read full review
2014-03-23
1620 views
我一向都不會在佐敦食飯，只會約朋友在尖沙咀食飯。今次同朋友聚會，朋友揀了佐敦，俾兩間餐廳我揀，睇過open rice 食評後，最終揀了呢間，果然係明智的選擇！第一次嚟，放工後好攰，隨便揀了個沙律，睇到menu第一個沙律有蝦有蘆筍就立即揀了，已經無再睇menu內其他的沙律。本來我們三個想叫四個餸，老闆見我們叫了炒蜆，沙律和pizza，pizza 仲叫我們揀兩款(即一個pizza可以任意揀menu的兩款），就話夠，叫我們不要再叫。當食物上枱，我們終於明白，因為每碟餸，份量都好大。沙律菜新鮮，蝦爽甜數量又多，dressing 有少辣但很醒胃。炒蜆辣但未至於要令人勁飲水，啱晒我呢啲只能食少辣嘅人。pizza 係招牌pizza加四季pizza ，招牌pizza 係好tradional Italian pizza ，四季pizza 有薯仔令人好有驚喜！另外我叫了椰青水，椰青水清甜但不太多椰青肉。用了coupon 後，每人只需$100，好抵！剛巧星期六要在佐敦上堂，決定帶媽媽和她的朋友再食，因為我太喜歡這裏的沙律和pizza第一次嚟我實在太攰無影相，所以今次影相補數。當然沙律和pizza係必叫，另外
第一次嚟，放工後好攰，隨便揀了個沙律，睇到menu第一個沙律有蝦有蘆筍就立即揀了，已經無再睇menu內其他的沙律。本來我們三個想叫四個餸，老闆見我們叫了炒蜆，沙律和pizza，pizza 仲叫我們揀兩款(即一個pizza可以任意揀menu的兩款），就話夠，叫我們不要再叫。
當食物上枱，我們終於明白，因為每碟餸，份量都好大。沙律菜新鮮，蝦爽甜數量又多，dressing 有少辣但很醒胃。炒蜆辣但未至於要令人勁飲水，啱晒我呢啲只能食少辣嘅人。pizza 係招牌pizza加四季pizza ，招牌pizza 係好tradional Italian pizza ，四季pizza 有薯仔令人好有驚喜！另外我叫了椰青水，椰青水清甜但不太多椰青肉。
用了coupon 後，每人只需$100，好抵！
剛巧星期六要在佐敦上堂，決定帶媽媽和她的朋友再食，因為我太喜歡這裏的沙律和pizza
第一次嚟我實在太攰無影相，所以今次影相補數。
當然沙律和pizza係必叫，另外叫了炸栗米蝦餅，烤羊肉餅，火腿波菜闊條麪和椰青水。老闆又係見我們叫了五樣食物後就話夠，唔好再叫，所以我無叫到nann。其實我們一向叫好多，食唔晒打包，但見老闆咁好人就聽佢話喇
沙律叫了芒果魚柳沙律，芒果甜，魚柳無雪味仲好滑，所以魚柳好快已經俾我媽媽和朋友食晒，我食得一條唔夠喉
烤羊肉餅適合不愛好羊嘅人試，好像我勁愛食羊，就覺得少了份"蘇"味。我們三個人，所以幫我們切開三份，非常細心！呢個餅有好多料和醬汁，食時要小心爆汁。好味但愛羊者或會少少失望因為無"蘇"味。
炸栗米蝦餅到時，熱情嘅老闆見我們食緊沙律和烤羊肉餅，就叫我們快啲食蝦餅。其實我們都知道應該趁熱食，但我們實在分身不暇。蝦餅唔油而且彈牙，內有粒粒栗米，令個蝦餅更有咬口。
Pizza再次encore ，其實有好多款揀，但想媽媽試下，所以無揀其他款式。
食咗四樣餸，已經太飽，打包咗個闊條麵回家。就算我今日叮熱食都無一'pat pat'，好味，相信即場食會更好。
老闆好留意每枱嘅客人，又會問意見，呢個老闆真心想客人食得開心，唔係為賺錢，由得客人叫好多又食唔晒，浪費食物。值得一讚！
Other Info. :
因為每條餸都大碟，所以建議分兩次落單，否則啲餸一次過上晒，張枱唔夠擺。
(The above review is the personal opinion of a user which does not represent OpenRice's point of view.)
Post
