Dionysus (Closed)

今日同朋友去了位於［大埔懷仁街43號泰和樓地舖］嘅一間靚靚餐廳打卡，「Dionysus」裝修十分優雅， 擺設亦十分別緻， 以古典風格為主題。 Lunch Set Dinner 由$ 88至$138，套餐包括有沙律或餐湯、主菜、餐飲和甜品，非常豐富！ 《南瓜湯》， 味道清甜，香味濃郁，色澤金黃， 口感好滑，好creamy。《煙三文魚雜菜沙律》， 沙律新鮮，配上味道酸酸甜甜嘅醬汁，開胃至極，yummy ! 《烤紐西蘭特級羊西冷配煙肉焗薯》， 擺盤美麗， 羊扒不羶，肉質嫩滑， 非常好食， 配上青豆和焗薯蓉， 整個配搭好合襯 ! 《香煎美國牛腹排拌法式牛油薯仔》，我揀咗七成熟， 時間控制得剛剛好， 牛味香濃，肉質軟淋， 仲好Juicy， 掂! 👍👍👍最後飲番杯餐茶，食番件甜品，慢慢個享受一個下午。