EC Kitchen (Closed)

因為工作關係同同事去左元朗做野，搞店啲手尾就開始係OPENRICE搵野食，之後發現有間食漢堡包嘅地方係附近。所以我同同事一放工就即刻過去。一去到間野由於太肚餓了，我叫左芝士炸雞，煙鴨胸火腿飯，芝士肉醬薯條，羊肉漢堡同西冷牛肉漢堡。點知由啲野食上台果一刻我地先知道中左伏。。。首先第一碟上嘅係芝士炸雞，啲炸雞肉超多粉又肥，而且啲芝士完全係裝飾，炸雞肉完全無芝士味。之後芝士肉醬薯條，啲薯條同醬完全係痴埋一齊好似一個波咁，極難拎出黎食。跟住就係呢度既手打漢堡包，牛肉漢堡方面，肉嘅份量非常足，但係表層比較乾身，不過味道就還好。羊肉漢堡方面，絕對今餐唯一滿意的野食，羊肉唔會有筋，唔會太蘇，味道比一般嘅漢堡好食好多。最後煙鴨胸火腿飯感覺就好似中午LUNCH果啲碟頭飯咁，味道無特別，仲有啲凍凍地。但總括來講，佢啲手打漢堡都值得一試，如果諗唔到食咩又唔怕伏，可以去下。