Video
Read full review
2024-03-15
74 views
同朋友聚會去左呢間無論店名，菜名同裝修都別樹一格嘅Wish you a Mamaday, 一踏出𨋢口可能你已經Miss左一個烏蠅哥(學友: 食S啦你) 雕像我地6個人就被安排左喺窗邊嘅6人卡位, 台面由無數骰仔拼合，幾有趣。人多就可以叫多幾樣嘢食。P.S. 以下菜名已經double check確定無打錯海洋生物沙律同坊間一般嘅海鮮沙律唔同，呢個嘅海係油炸，有炸蝦，帶子，蟹柳(唔係炸嘅)，藍莓再配以芝麻醬同蟹籽。雖然海鮮同炸嘅方法處理係幾特別，但係配沙律個人都比較喜歡清新嘅做法，炸話嘅蝦同埋帶子都有點乾身。求其是但乜都炸啲啦 (4款隨機配搭)今日嘅隨機配搭係雞翼，炸魚，吉列炸蝦同薯條。薯條係粗條無皮果款，夠熱夠脆，合格，吉列炸蝦似現成急凍貨仔，而炸魚同雞翼味道合格，但係都係比較乾身。如果配啤酒就係幾好，夠香口。直豎拇指牛小扒比薩呢個Pizza分到6小件，而每條都有薄薄嘅牛小扒，雖然薄，但係都幾有牛味，而喺牛肉下面有一層薯蓉，而Pizza嘅質感係薄脆，所以唔會好飽果隻。好邪惡嘅鹹蛋牛油果蟹肉比薩咩叫減肥呢個Pizza呢到嘅賣相好有趣，每一件上面都有一隻半去殼蟹鉗，但係其實無乜肉。牛油果喺味
我地6個人就被安排左喺窗邊嘅6人卡位, 台面由無數骰仔拼合，幾有趣。人多就可以叫多幾樣嘢食。
P.S. 以下菜名已經double check確定無打錯
海洋生物沙律
同坊間一般嘅海鮮沙律唔同，呢個嘅海係油炸，有炸蝦，帶子，蟹柳(唔係炸嘅)，藍莓再配以芝麻醬同蟹籽。雖然海鮮同炸嘅方法處理係幾特別，但係配沙律個人都比較喜歡清新嘅做法，炸話嘅蝦同埋帶子都有點乾身。
求其是但乜都炸啲啦 (4款隨機配搭)
今日嘅隨機配搭係雞翼，炸魚，吉列炸蝦同薯條。薯條係粗條無皮果款，夠熱夠脆，合格，吉列炸蝦似現成急凍貨仔，而炸魚同雞翼味道合格，但係都係比較乾身。如果配啤酒就係幾好，夠香口。
直豎拇指牛小扒比薩
呢個Pizza分到6小件，而每條都有薄薄嘅牛小扒，雖然薄，但係都幾有牛味，而喺牛肉下面有一層薯蓉，而Pizza嘅質感係薄脆，所以唔會好飽果隻。
好邪惡嘅鹹蛋牛油果蟹肉比薩咩叫減肥
呢個Pizza呢到嘅賣相好有趣，每一件上面都有一隻半去殼蟹鉗，但係其實無乜肉。牛油果喺味道上同口感上嘅存在感都偏低，而Pizza上面啲咸蛋黃係成件Pizza嘅主體，唔係好食到蟹肉嘅味道，食多兩件會有少少膩。不過如果你係咸蛋黃控可以一試。
英國熟成28天西冷
我地叫左三成熟，最終上檯嘅生熟度係合格嘅，但係28天嘅熟成比唔到果個應有嘅濃郁牛味，整體呢講同無熟成嘅西冷無太大分別。配菜有黑醋沙律菜配炸野菜同埋兩件炸南瓜餅。唔特別推介呢個。
有蟹go又有蟹肉的蟹蟹蟹意大利扁麵
呢個意大利扁麵係有驚喜，一上檯已經好香嘅蟹膏味，而蟹肉嘅份量絕對唔少，對於鍾意食甲殼海鮮嘅我呢講，未食已經比佢吸引左，蟹膏醬汁充分沾到每啖扁麵上面，面扁麵麵質有咬口彈牙，加埋蟹肉嘅鮮甜，值得一食。不過扁麵上面果幾條蟹柳可以唔放都得。
可能會失望溫泉蛋明太子意大利扁麵
呢個扁麵口感同蟹肉果個一樣都係唔錯嘅水準，不過醬汁略為太多，食到尾段已經係汁浸扁麵。扁麵上面嘅木魚片喺味道上面有加左唔少分，始終個明太子醬味道比較單調，有木魚片嘅香味配合，令個味道有層次好多，不過唔知點解又有幾條炸蟹柳。
是是但但
其實佢係朱古力窩夫配cookies&cream雪糕加碎Oreo，同行唔食朱古力嘅朋友表示無奈 XD，窩夫上檯時仲熱熱哋，夠實在同香脆，唧左朱古力醬喺面嘅窩夫再配雪糕外，佢仲有一兜打左泡沫嘅輕忌廉，不過無乜味道，都係同雪糕夾啲。我覺得碎Oreo就純粹多少少睇頭。
飲品選擇有好多手功啤，好特別嘅雞尾酒，紅白酒，沙冰，咖啡，茶或者奶昔都有，真係飲都可以飲飽。
整體呢間係幾啱打吓卡Chill吓嘅餐廳，可以一試，叫吓啲喺餐牌睇完都唔知係咩嘅菜名，係可能帶到啲新鮮感比你。
Post
