Video
Read full review
2015-01-07
991 views
當日使用的是團購, 我們一行五人, 買了個四人餐, 在電話預約訂位時, 已知道因為多左個人, 所以要叫多樣野。由於已訂枱, 所以唔洗等位我地一落到去話佢知我地訂左枱, 佢一睇係團購, 即時零表情, 要我地即時俾左張團購紙先俾我地入去, 我地一行5人坐低後, 無人黎話我地知要點, 亦無人黎問我地要D 乜...當時個場無乜客, D 待應都只係企係吧枱位無野做吹水, 我地揚左手好耐先有人黎招呼我地, 我地話要 menu , 佢黑口黑面,木無表情咁放低左本menu 就走開左因為當日係慶祝生日, 爸爸見係食德國菜, 建議飲啤酒, 媽媽話佢唔飲酒, 想要水, 又一輪揚手示意, 待應又望到我地都繼續同吧枱傾完計先過黎我地先話要杯水, 佢話佢地唔提供, 咁我地話要啤酒, 佢話呢樣無個樣無, 講左一輪先知原來個餐包4杯野飲既, 啤酒種類只可選其中一種, 但佢一直無黎問我地要乜, 我地話唔知個餐跟乜, 佢又繼續黑口黑面咁係個menu 到篤俾我地睇, 然後先黎話我地四個人, 要點多樣野, 我話我地知, 但睇緊, 我地想飲左野先, 佢竟然話唔得, 要點左野先, 真係惡, 未食已經一肚氣...當晚食物, 有豬手
我地一落到去話佢知我地訂左枱, 佢一睇係團購, 即時零表情, 要我地即時俾左張團購紙先俾我地入去,
我地一行5人坐低後, 無人黎話我地知要點, 亦無人黎問我地要D 乜...
當時個場無乜客, D 待應都只係企係吧枱位無野做吹水, 我地揚左手好耐先有人黎招呼我地, 我地話要 menu , 佢黑口黑面,木無表情咁放低左本menu 就走開左
因為當日係慶祝生日, 爸爸見係食德國菜, 建議飲啤酒, 媽媽話佢唔飲酒, 想要水, 又一輪揚手示意, 待應又望到我地都繼續同吧枱傾完計先過黎
我地先話要杯水, 佢話佢地唔提供, 咁我地話要啤酒, 佢話呢樣無個樣無, 講左一輪先知原來個餐包4杯野飲既, 啤酒種類只可選其中一種, 但佢一直無黎問我地要乜, 我地話唔知個餐跟乜, 佢又繼續黑口黑面咁係個menu 到篤俾我地睇, 然後先黎話我地四個人, 要點多樣野, 我話我地知, 但睇緊, 我地想飲左野先, 佢竟然話唔得, 要點左野先, 真係惡, 未食已經一肚氣...
當晚食物, 有豬手, 德國腸, 炸魚薯條, 意粉, 啤酒四杯, 外加單點既牛尾
啤酒, 一杯普通既啤酒, 個人喜好, 無話好唔好
豬手, 唔知係咪正宗德國風味, 無話特別好味, 同一般香港出名個幾間德國餐廰差不多
德國腸, 幾款, 每人一小節, 當試下個味囉, 無驚喜, 唔難食
炸魚薯, 最差, 好多油
意粉, OK 啦, 有D 麵落肚, 無咁空虛囉...
最好食既竟然係單點既焗牛尾...
到賣單, 又係叫左佢好耐, 黎到張單, 我地無留意團購加一唔可以簽卡就俾左張卡佢, 個待應即刻俾哂面口我地睇, 語氣好似我地食飯唔俾錢咁, 同我地講唔收卡, 真係火到呢, 我差D 叫佢分單, 單點既我要簽卡, 不過爸爸話今日食生日飯, 叫我算... 總之呢間餐廰我唔會再黎, 搞團購為吸引新客, 但佢地既態度, 我唔會再黎
Other Info. :
不得不重申, 當晚由於是星期三, 又是大雨, 又是晚上八點半, 所以客人數很少, 絕沒有人手不足問題, 待應情原抹下無人坐既枱都唔會理會你揚手~~
整體而言, 環境衛生OK, 可惜服務真係唔好, 令我對整個晚餐的食物感觀降低不少
(The above review is the personal opinion of a user which does not represent OpenRice's point of view.)
Post