Video
Read full review
2013-02-16
1974 views
2月14呢D日子，一支公冇地方好去，又驚行出街會俾人閃到體無完膚，於是就去左一間早排行過見到既CAFE試試啦。呢間CAFE，唔算難搵，銀行中心出口，轉入西洋菜街，左手邊有間GIORDANO，大廈入口就響側邊。樓下入口附近仲有易拉架添。間CAFE響5樓，電梯一開，正面就望到，係一個好有心思既入口。o禁完門鐘，好快就有一位魔法使開門，帶左我埋去坐。o個個叫夏子既魔法使，細細粒紮左條馬尾咁，仲笑得好可愛。（中彈了！！）坐低一陣我就用召喚魔法（搖鈴）叫魔法使來諗住叫d野食，因為唔知食咩好，咁我就我點左個黑魔法料理同魔法使特飲（由魔法使隨心情製作的食物及飲品）。點知，原來今日有特別EVENT，每位客人都額外有魔法使親手製作的朱古力一包！！好開心呀，完全冇諗過間CAFE會有D咁貼心既EVENT。等左一陣，好快就有魔法使送上一杯魔法使特飲，係一杯士多啤梨味朱古力，上面仲有D CREAM 同士多啤梨糖漿，外觀好靚，飲落仲非常好飲！！另外一題，D杯墊仲係人手畫D公仔的，好靚！！D食物未到，我就4圍望下，睇下D環境啦，有部大大大大大電視響度，仲有人打緊機，正呀！！！另外一面，又見到D魔法使會同D客人玩小遊
呢間CAFE，唔算難搵，銀行中心出口，轉入西洋菜街，左手邊有間GIORDANO，大廈入口就響側邊。樓下入口附近仲有易拉架添。
間CAFE響5樓，電梯一開，正面就望到，係一個好有心思既入口。
o禁完門鐘，好快就有一位魔法使開門，帶左我埋去坐。
o個個叫夏子既魔法使，細細粒紮左條馬尾咁，仲笑得好可愛。（中彈了！！）
坐低一陣我就用召喚魔法（搖鈴）叫魔法使來諗住叫d野食，
因為唔知食咩好，咁我就我點左個黑魔法料理同魔法使特飲（由魔法使隨心情製作的食物及飲品）。
點知，原來今日有特別EVENT，每位客人都額外有魔法使親手製作的朱古力一包！！
好開心呀，完全冇諗過間CAFE會有D咁貼心既EVENT。
等左一陣，好快就有魔法使送上一杯魔法使特飲，係一杯士多啤梨味朱古力，上面仲有D CREAM 同士多啤梨糖漿，
外觀好靚，飲落仲非常好飲！！
另外一題，D杯墊仲係人手畫D公仔的，好靚！！
D食物未到，我就4圍望下，睇下D環境啦，有部大大大大大電視響度，仲有人打緊機，正呀！！！
另外一面，又見到D魔法使會同D客人玩小遊戲，感覺好溫暖，好和諧，D魔法使都好可愛添。
坐左一陣，我又唔好意思出聲想打機，就唯有睇住其他人玩啦，
點知轉頭就有魔法使問我打唔打機啦，真係細心呢～～～
好快我就同其他客人打成一片咁玩啦。
唔知過左幾耐（掛住玩唔知時間），食物到了，仲有魔法使幫食物畫公仔施魔法，非常好食，
食物係一個炒面，上面有Ｄ蛋黃醬畫左野，仲有D腸仔，火腿，炸物做配菜，好好食！！
食完野，我見間CAFE真係好多人，所以都唔好意思坐得耐，諗住埋單走人，廢事阻人做生意啦。
魔法使話打完卡，有9折，一百蚊左右玩左個幾兩個鐘真係抵！！（仲有包手作朱古力！！）
點知，臨出門口仲有野玩！！
原來要講開門魔法先可以走得！！！
最後我好唔好意思咁求其講d，終於可以走啦～～！
Other Info. :
整體感覺好好，有魔法使同大家玩，一個人上去都唔會怕悶！！！
不過好多人，WALK-IN未必有位，魔法使話如果想上去返學最好打電話訂左位先會好D！！
今次我唔記得同魔法使影相呀！
本來諗住影的，點知最後唔記得左冇左件事！！
+25蚊可以影一張，我一定會再上去影相的！！
(The above review is the personal opinion of a user which does not represent OpenRice's point of view.)
Post
