市川日本料理 (Closed)

約咗兩個朋友食飯，其中一個話去食呢間餐廳。(佢平時又唔食生野，又唔食牛，唔知點解話要食呢間日本餐廳) 不過佢提出就去食啦，反正我未試過。去到發覺地方好闊落，由於book位，所以安排咗卡位俾我地。對住個維港所以個景唔錯! 之後我地就order. 朋友叫咗個煎餃，豬肉蓋飯，炸豆腐(必食)。我同另一個朋友就share咗個龍蝦鐵板套餐，另加多兩款卷物。。。炸豆腐真係好正，外脆內軟，連我麻麻地豆腐都覺得好好食龍蝦鐵板餐，我最鍾意個龍蝦，帶子＆銀鱈魚同埋個三文魚炒飯。一向都覺得鐵板燒每樣野食啲味道都好似，但係佢呢度啲味道唔會好死板，俾我預期嘅好。重有兩款卷物係帶子，同埋芒果三文魚卷，我地掛住食冇影相。我個人喜歡芒果三文魚卷多啲，因為芒果有甜味，同三文魚好襯! 最後，我個人對於雪糕就一般。下次會想試雪葩做甜品。大至上係一間唔錯嘅中價日本料理，下次都會想再黎!