Video
Read full review
2020-05-07
633 views
今日友人又揸車接咗我同友人女友, 再出發接埋 P san 去到觀塘搵食。 本來想食泰菜, 但因為上嗰間泰國餐廳嘅工廠大廈前門閂咗, 搵唔到路上去, 所以轉咗嚟試小時光。門口同店內有著台灣懷舊嘅佈置, 店內人多, 驚影到人, 所以唔敢放肆地影。一入到店, 係一名操流利國語台灣男生為我哋一行四人帶位, 我咃就座之後, 店員遞上餐牌同說明店家係要客人自己到櫃檯點餐取餐。P san 點咗古早味滷排骨便當。 台灣嘅排骨好多時都係我哋香港嘅豬扒, 但喱個古早味排骨質地同口感有啲似食齋時用豆干做嘅肉咁, 味道正常無咩特別, 不過喱個便當配有少量青瓜同小棠菜做冷盤, 再加埋有少量椰菜做配菜, 感覺還好。而我就點咗台式養生藥膳排骨飯, 喱個飯真係俾到我同 P san 驚喜, 光係聞就已經有好重嘅藥材味, 湯頭藥材味濃而不俗, 而肉方面係用香港嘅排骨, 肉質好腍, 而且有湯嘅藥材味, 但一啲都唔鞋亦唔韌, 完全唔似煲咗好耐咁, 雖然全部都係肉, 但配埋少量涼拌青瓜, 感覺好清爽, 不過份量唔算大。除咗以上兩款飯, 我哋仲同友人們叫咗兩個小食, 一個係台式鹽水雞, 另一款係台式炸物併盤。 鹽水雞雖然係冷盤,
門口同店內有著台灣懷舊嘅佈置, 店內人多, 驚影到人, 所以唔敢放肆地影。
一入到店, 係一名操流利國語台灣男生為我哋一行四人帶位, 我咃就座之後, 店員遞上餐牌同說明店家係要客人自己到櫃檯點餐取餐。P san 點咗古早味滷排骨便當。 台灣嘅排骨好多時都係我哋香港嘅豬扒, 但喱個古早味排骨質地同口感有啲似食齋時用豆干做嘅肉咁, 味道正常無咩特別, 不過喱個便當配有少量青瓜同小棠菜做冷盤, 再加埋有少量椰菜做配菜, 感覺還好。
古早味滷排骨便當
$58
58 views
0 likes
0 comments
而我就點咗台式養生藥膳排骨飯, 喱個飯真係俾到我同 P san 驚喜, 光係聞就已經有好重嘅藥材味, 湯頭藥材味濃而不俗, 而肉方面係用香港嘅排骨, 肉質好腍, 而且有湯嘅藥材味, 但一啲都唔鞋亦唔韌, 完全唔似煲咗好耐咁, 雖然全部都係肉, 但配埋少量涼拌青瓜, 感覺好清爽, 不過份量唔算大。
台式養生藥膳排骨飯
$70
41 views
0 likes
0 comments
除咗以上兩款飯, 我哋仲同友人們叫咗兩個小食, 一個係台式鹽水雞, 另一款係台式炸物併盤。 鹽水雞雖然係冷盤, 但有雞味, 而且拆晒骨只有肉, 岩晒怕 "論" 骨嘅友人。
台式鹽水雞
$40
31 views
0 likes
0 comments
台式炸物併盤
$60
39 views
0 likes
0 comments
飲品方面, 飯係唔包括飲品, 需要另外點。 P san 點咗凍黑糖奶茶, 奶茶用一個以前中學時上 science 堂時用的 test tube 盛裝, 飲時將奶茶倒入另外放有冰同黑糖珍珠嘅杯入面, 茶有淡淡茶味但唔甜, 而珍珠本身有黑糖嘅香甜味, 亦好軟糯, 好好 "趙"。 食完飯飲, 份量唔太大, 再加埋珍珠可以當係飯後甜品咁食呀。
凍黑糖奶茶
$28
24 views
0 likes
0 comments
我就點咗凍岩鹽咖啡拿鐵, 不過喱個拿鐵比較似台式飲品店嘅咖啡, 比較淡味, 下次會試另一啲飲品。
岩鹽焦糖拿鐵
$38
21 views
0 likes
0 comments
Post
