Video
Read full review
2021-09-22
233 views
佢嘅餐牌上面嘅食物圖片 ，一向吸引眼睛，每次小女兒經過，都被佢哋嘅pancake圖片吸引。 今日決定早點吃晚飯，見到仍然有午餐價錢選擇，當然覺得抵，而且侍應亦好禮貌， 呢啲係今時今日，一間普通餐廳成功都要有嘅其中一個因素，咁樣就算啲食物唔係太突出，客人都會記得你同埋返轉頭食。「蒙莎芝士焗肉醬意粉」$82食過咁多肉醬意粉，佢味道係唔算太差，較為乾身，芝士亦多 ，份量亦適中。「卡邦尼意粉」$82算唔錯，但係有啲偏鹹，感覺有啲漏， 但係日本style嘅卡邦尼意粉的而且確係咁樣嘅質感同埋口感， 只係可能太早食飯，吸引性減少。「士多啤梨Pancake」$54 (追加有折)’正如頭先所講，餐牌上面嘅pancake相片真係好吸引，食到飽一飽都想試一試，於是叫咗個士多啤梨pancake，因為材料主要係士多啤梨同埋啲cream，而糖漿就比較少，接近冇一樣，所以食落比較乾身，所以賣相一流，味道一般。「忘不了」 $25 (跟餐-$10)天氣熱諗住叫杯沙冰解渴，點知嚟到咁細杯有啲失望，都唔緊要，但係杯嘢太甜，唔係人人接受到，不過都感覺到好似有啲水果肉粒係入面，意思係真生果打出嚟。 「熱果味茶」(跟餐免費)諗住
「蒙莎芝士焗肉醬意粉」$82
食過咁多肉醬意粉，佢味道係唔算太差，較為乾身，芝士亦多 ，份量亦適中。
「卡邦尼意粉」$82
算唔錯，但係有啲偏鹹，感覺有啲漏， 但係日本style嘅卡邦尼意粉的而且確係咁樣嘅質感同埋口感， 只係可能太早食飯，吸引性減少。
「士多啤梨Pancake」$54 (追加有折)’
正如頭先所講，餐牌上面嘅pancake相片真係好吸引，食到飽一飽都想試一試，於是叫咗個士多啤梨pancake，因為材料主要係士多啤梨同埋啲cream，而糖漿就比較少，接近冇一樣，所以食落比較乾身，所以賣相一流，味道一般。
「忘不了」 $25 (跟餐-$10)
天氣熱諗住叫杯沙冰解渴，點知嚟到咁細杯有啲失望，都唔緊要，但係杯嘢太甜，唔係人人接受到，不過都感覺到好似有啲水果肉粒係入面，意思係真生果打出嚟。
「熱果味茶」(跟餐免費)
諗住清清地畀小朋友飲，有果味，但同樣太甜。
9 views
0 likes
0 comments
Post
