The Mafe Cafe (Closed)

之期一早用openrice Book定時間,上到去都見到full full地,好彩有Book到位.一入門口就聽到好多人係到有講有笑,好多張台都玩緊board game,氣氛幾好. 當安頓左之後,叫埋野食,諗住出去拎D game玩但發現玩開個D都比人玩緊,所以我地都係做自己野...總共叫左3樣野食- 凱撒沙律+香蒜白酒蜆意大利麵+蒜香雞翼 .先講下凱撒沙律, 其實都好難會難食, 菜同醬汁 岩岩夠, 焗面包粒同埋煙肉粒都幾香口同脆,口感唔錯.跟住到香蒜白酒蜆意大利麵,賣相都唔差,聞落都香,但食落就普通,汁太多,蜆太多無開殼(未煮個陣已經死左),麵條就軟硬適中.到最後小食蒜香雞翼,侍應生一放落台個陣就比佢吸引住,應該即叫即整,食落外脆內熱,表面蒜香十足,但入面雞翼就淡D無外面咁吸引.但總體都okay ge.地方環境都幾舒適!