咖啡灣 (粉嶺中心) (Closed)

呢間餐廳喺大埔嘅分店都有相當嘅名氣， 一直俾佢個甜品吸引住， 今日因工事經過粉嶺， 見到有間餐廳都係叫做咖啡灣， 上openrice一睇就知原來係大埔嗰間嘅分店， 所以入去試下。餐廳環境光猛， 座位幾舒適乾淨。餐牌有啲季節性嘅推介， 我哋叫了兩個試。巴馬火腿沙律配油醋汁沙律菜有羅馬生菜，九芽菜，雅枝竹，車厘茄，意大利乾蕃茄配油醋汁和少量芝士粉， 清新爽口， 巴馬火腿夾沙律一齊食味道啱啱好， 唔會覺得鹹。黑洞奶黃芝士麵包脆雞黑色嘅竹炭麵包裝滿芝士蛋黃醬， 雞件炸得夠脆身， 雞肉唔會炸得太乾，仲有肉汁。 芝士蛋黃醬個味道唔會太鹹， 食到蛋黃和芝士嘅鹹香味， 幾creamy， 我哋連個竹炭包都食埋。紫薯窩夫即叫即做嘅窩夫加上士多啤梨，紫薯粒， 紫薯雪糕 ，忌廉，士多啤梨等配料， 個窩夫幾香脆， 配雪糕和忌廉一齊食好滿足。抹茶鮮奶杯飲品幾有心思， 有卡通人物嘅拉花， 杯飲品幾香抹茶味。