新泰東南亞餐廳

Open Now

Now Closed

今日喺尖沙咀發現一間泰國菜館，裝修得好靚，所以入去試吓。2個人order咗幾個菜式：有鹽燒烏頭、泰式烤豬手、馬拉盞炒通菜、泰式炒牛河、馬拉肉骨茶、菠蘿沙冰及凍龍眼茶。鹽燒烏頭好嫩滑、好新鮮、好大條烏頭，份量十足，只係$128，抵食。泰式烤豬手，落單時伙計講明要等一個鐘，儘管試吓。豬手配上個泰式醬汁，好有泰國風味。馬拉盞炒通菜有好多喊嘅蝦乾仔，小小辣、好足料，推介重口味嘅朋友必定要試。馬拉肉骨茶有好香、好濃嘅藥材味，係足料靚湯，飲完都唔覺口喝，估計無乜味精。馬拉嘅肉骨茶同新加坡嘅肉骨茶係有唔同嘅，呢個馬拉味道好正宗。菠蘿沙冰酸酸甜甜、龍眼冰味道清新，小小甜、好好味。大部份食物嘅份量都好大，好抵食，所以食到好飽。期望下次再來試埋其他菜式。