飯意主題餐廳 (Closed)

係旺角行完肚餓揾野食，可能時間尙早，見間間食店都唔多人，但行過呢間RICE LOVE 見差唔多已滿座，所以餐牌都未睇就入咗去坐底睇完大餐牌，都係覺得set掋食啲，所以叫咗個set b首先嚟咗兩杯特飲，(綜合水果茶）味道麻麻，覺得怪怪咁，唔係咁好飲（青蘋果薄荷荔枝綠茶）呢杯就ok啦跟住嚟咗(粟米忌廉湯)唔錯，夠粟米味又唔會太咸，份量都幾足，以set嚟講到沙律啦(甜薯煙鴨胸沙律菜)，因為見大盤有蝦，所以叫咗呢款，跟埋蒜蓉包一齊上，沙津汁調製得幾好，開胃，煙鴨胸煎熱先上，仲諗住係凍，個人覺得熱係好食啲，唔錯，但如果個包可以再脆多少少仲好另一前菜(鐵板燒長州魚旦串)第一次咁樣食，個人覺得幾得意，似足章魚燒，魚旦唔錯，無乜腥味，如果多啲汁仲好好，主菜嚟啦(吉烈大蝦拼豬肋條骨蛋包飯)，呢個有幾個汁揀，我哋就揀咗咖哩汁，大蝦夠脆身，亦有蝦味，豬肋條都幾入味，咖哩就日式甜咖哩，幾香口，份量都算大份食食下嚟咗呢set芝士加蛋漿，準備下一道主菜下道主菜嚟啦(鰻魚，蟹籽芝士溶岩蛋漿飯)，雖然爆場，但每一枱有點呢款飯嘅枱，每一次侍應都會好細心咁幫客人撈混，呢樣十分掋贊，鰻魚都足料，起碼差不多每一口都食到鰻魚味