跑馬地餐廳 (Closed)

呢間西餐廳係我响佐敦行街揾野食既時候無意中揾到，而食過之後都覺得可以再幫襯既西餐廳; 亦都係暫時唯一一間。呢間西餐廳可以選擇既食物吾多，不過水準都吾係差既，當我响佐敦想食西餐，就會諗起佢。最起碼食物既香、味佢都有齊。羅宋湯味適中吾太濃又有少少辣; 牛柳吾會太薄同有肉汁，豬扒夠厚不過就嫌乾身得滞。最正係個意大利雞腿飯，洋蔥汁夠香同雞腿肉夠滑。不過入面既坐位真係迫，坐得吾太舒服; 當多人既時候就慘喇。