老街坊菜館

Open Now

Now Closed

朋友介紹，話長沙灣有間食店又抵食又好食，最緊要係服務用心，所以即管一試。到步後，沿着樓梯上一層，已經感覺到朋友所講嘅親民，侍應哥哥一早就喺樓梯口接待。見到牆上邊嘅海報，一蚊一煲花膠雞湯！？！ 嘩！咁抵唔係啩！咁冇理由唔試啦！雞煲嚟到後，啲花膠又大件又諗，最重要係隻雞係原隻走地雞，雞肉仲係好多汁好甜，我哋成班朋友第一件事梗係飲咗啲花膠雞湯啦，煲湯熱辣辣又甜，味道好到不得了！呢一蚊真係超級超級抵比！食完煲雞都已經飽咗一半，之後再嚟多一隻象拔蚌刺身，再加上椒鹽焗奄仔蟹，滷水鮑魚，個肚已經好滿足了！ 呢間食肆除咗服務用心，食物真係超級抵食同好味道，我已經訂咗一個禮拜後再嚟，下次決定要試吓啲小炒先得，之後再向大家報告！