好好肥牛雞煲店

Open Now

Now Closed

朋友約去廟街食雞煲火鍋, 第一次去廟街食飯, 令我對廟街改觀了 。因為冇預早訂枱，而且多數都係大枱，我們二人被安排搭枱。 但店內乾淨企理接受嘅， 餐前小食每枱都有川椒雞腳，呢個比較特別。 雞煲選擇唔多只有重慶麻辣雞煲同醉雞鍋，無辣不歡嘅我當然係揀咗重慶麻辣小辣小麻，但係想不到嘅驚喜，愈食愈辣，配菜亦都好豐富，可以選擇豬皮，豬潤...還有其他選擇。食完雞煲可以再加湯底打邊爐，但係我哋見到有好多唔同嘅邊爐湯底，最後我揀咗杏汁豬肺湯，湯底除了豬肺，排骨外，另外有菜膽同粟米, 真材實料,好潤肺。 牛肉好新鮮，好多選擇，鍾意食牛肉嘅一定啱。店員好細心見到我哋兩人食, 建議有些配菜可以半份 order。價錢公道，最後我哋兩個都食得好滿足。