Video
Read full review
2019-03-31
26 views
如果幫親呢間蒲頭島, 一個字形容 “伏”, 由訂位到食完走都係非常不愉快經歷:1) 訂位電話長期飛去留言信箱, 但留言信箱又話爆滿, 叫人遲D再打去, 咁我唯有 Whatsapp 佢另一個電話訂,咁佢都好快, 幾小時後回覆叫我填資料,仲有一句寫明….”我們的服務承諾，如填好以上資料後，本公司將在當天內確認貴客之訂位（ 約數小時內）”, 咁我就即刻填, 但係到第二日晚上仍然冇回覆我, 係咪確認 (其間我經常見到佢係上線中), 咁我就問佢係咪確認呢個 Booking 啦, 點知佢只係一句 “OK啦”,既然咁簡單, 點解唔早 D答我呢?2) 到我地 4 個 6:00去到, 企喺收銀個男人先至同我講, 女士半價只可以係 3 位或以上女士先可以享有, 我地2 位女士 + 2 位男士都要比正價, 咁算啦, 就當我中文理解能力差, 誤會係全台3 位或以上, 咁我就改佢既C2 套餐啦, 但發覺價錢係 $228, 而且要7:30 離座 (原本 26/3 報紙賣話 C2套餐係 $218 - 8:30 離座), 咁我再問佢食到幾點, 有個扎馬尾冇帶眼鏡既中年女人 (貌似 openrice食評家占士邦0
1) 訂位電話長期飛去留言信箱, 但留言信箱又話爆滿, 叫人遲D再打去, 咁我唯有 Whatsapp 佢另一個電話訂,咁佢都好快, 幾小時後回覆叫我填資料,
仲有一句寫明….”我們的服務承諾，如填好以上資料後，本公司將在當天內確認貴客之訂位（ 約數小時內）”, 咁我就即刻填, 但係到第二日晚上仍然冇回覆我, 係咪確認 (其間我經常見到佢係上線中), 咁我就問佢係咪確認呢個 Booking 啦, 點知佢只係一句 “OK啦”,
既然咁簡單, 點解唔早 D答我呢?
2) 到我地 4 個 6:00去到, 企喺收銀個男人先至同我講, 女士半價只可以係 3 位或以上女士先可以享有, 我地2 位女士 + 2 位男士都要比正價, 咁算啦, 就當我中文理解能力差, 誤會係全台3 位或以上, 咁我就改佢既C2 套餐啦, 但發覺價錢係 $228, 而且要7:30 離座 (原本 26/3 報紙賣話 C2
套餐係 $218 - 8:30 離座), 咁我再問佢食到幾點, 有個扎馬尾冇帶眼鏡既中年女人 (貌似 openrice食評家占士邦007 post 出來第一張相那位女士) 即刻指住個餐牌話呢度咪寫得好清楚啦, 7:30 麻, 咁都算啦, 見即刻可以入座, 時間應該夠嘅, 點知開完個燒爐, 發覺好慢, 驚個半鐘時間唔夠所以同返嗰個男人講話想每位加多 $ 30 多一個鐘, 點知佢話後面 book 囇, 改唔到
3) 大約 7:30 我地叫埋單, 馬尾女人攞張單埋來一個總數另加一, 我發覺好似有D 唔啱, 問佢即係幾 $ 位, 佢竟然話將呢數除 4 咪係囉, 咁佢即係叫我自己計啦, 而唔係即刻講得出個單價我知, 咁又算啦, 可能佢冇計數機, 咁我就即刻喺佢面前攞手機出來㩒比佢睇, 原來到我埋單佢竟然收我收 $ 258, (多 $ 30/位, 但之前又話後面時間訂囇, 唔比加), 我同馬尾女人講, 佢竟然計都唔計就話係加一, 我話我係加一前除 4 (其實係喺佢面前攞手機出來㩒, 唔明點解佢睇唔到) , 簡直亂收錢, 佢唔出聲就咁攞張單返去收銀度, 咁我都費事講咁多, 直接去收銀度埋, 個男人計返啱同都講左唔好意思, 但係咁都冇用啦,今時今日有 D咁既服務態度既員工, 如果佢係老闆娘就更加要再培訓
4) 食物方面, 正所謂各人口味同要求唔同, 自己衡量下啦, 但清潔衞生就真係….. 由其是老人家, 千其唔好比佢自己出去攞野食同野飲, 地面長期濕滑, 真係要小心
5) 另外, 呢間鋪好似都開左幾個月啦, 但原來仲未有摝咭機, 要比現金, 門口又唔覺有寫只收現金喎, 入去時又冇講, 要到比錢先知
6) 我冇幫親過佢其他 2 間分店, 希望唔會係咁啦, 但我一定唔會再試攞 !!!
Post