角落咖啡廳 (Changed Hand) New Restaurant

首訪位於蘭桂坊呢間新開嘅「角落」cafe🥰☕️ ，呢度嘅裝修俾人一種輕鬆舒服嘅悠閒感😍！揀咗下午茶時段去試吓，侍應安排咗個窗邊位比我哋，大大嘅玻璃窗伴隨住秋日午後陽光，感覺超舒服😎。🥳發現呢度最「正」係唔單子有生酮咖啡飲仲連生酮蛋糕都有得食👏🏻👏🏻👍🏻真係好啱我，因為近年身邊好多朋友仔都開始咗生酮飲食習慣，咁以後約朋友食tea就方便好多唔使佢哋齋飲冇得食啦😂😂😂。朋友仔當然唔洗考慮，即刻order 番杯KETO coffee 同埋揀番件生酮蛋糕卷啦！我就點咗碟自家製蕃茄乾醬烤大蝦意粉🦐🍝。碟意粉賣相唔差，入口係好有驚喜嗰隻，真係估唔到喺cafe可以食到酒店級水準pasta，啲意粉彈牙得嚟有咬勁 又排汁，茄乾醬味道調得非常出色，羅勒配上番茄乾，香草味道豐富、茄味香甜清新，配埋爽口嘅炭燒大蝦，整碟嘅味道同口感層次豐富至極，💯好味！咖啡就點了杯熱Mocha，冲調比例合格，有咖啡香又出到朱古力嘅甜，係既香又濃嘅順滑口感👏🏻👍🏻。呢度嘅氛圍溫暖舒適又有打卡位，飲吓食吓影吓相，輕輕鬆鬆咁就過咗個午后嘅悠閑時光📷📸️☕️🍰☕️🦐🍝。