瀛豐放題料理專門店 (Moved) New Location

假日晚市6點入座，連加一$285/p，食物種類都算多，刺身質素都唔錯，推薦三文魚，象拔蚌，赤背，珍寶蝦。天婦羅正常水準，天婦羅番薯仔勁好食，南瓜一般。串燒完全唔得，串燒蝦燒到好乾。熱炒出奇地好食，炒蜆炒螺味道一流，微辣惹味，不過一口牛炒得太耐，太韌。尖椒皮蛋冇尖椒，味道一半，無骨鳳爪一般，蒜蓉粉絲蒸扇貝味道唔錯，不過太乾，燒三文魚鮫好鹹。壽司就幾好，件件都好迷你，幾好食，可以食多幾件。甜品一如既往好睇唔好食，難食到一個極點，雪糕都麻麻地。飲品種類多。建議專攻刺身同熱炒。銅鑼灣較平嘅放題，比起X喜X容易搵位。