Video
Read full review
2016-08-18
871 views
金園, 幾乎係我見過定位最特別既舊式茶餐廳舖位細, 坐位唔多, 格局係傳統兩排卡位, 中間則係四人細枱之所以話佢特別, 係因為佢地係無飯既你無聽錯, 佢地真係無飯既, 我曾經親口問過咁佢地又食D乜野呢?如果有睇麥兜應該聽過, 早餐=常餐, 晚餐=散叫, 呢度就係咁勒中午一點半入去, 好多人要撘枱, 中間四人枱同人撘, 顯得比較迫佢地係無午餐同晩餐呢兩樣野, 只有早餐同下午茶, 我自己叫左個干炒公司意粉加奶茶所有炒粉麵類加十蚊配野飲, 冷熱同價撘枱果兩位仁兄就叫左兩個早餐, 響中午一點半叫兩個早餐不過我四圍左右好多都係食緊早餐夠特別未?干炒公司意粉: 有叉燒, 牛肉, 雞肉, 火腿, 葱粒, 煎蛋一隻, 可能因為專心做炒粉, 無可否認佢地D炒意粉好出色 意粉一條都無燶, 軟硬度剛剛好, 而且唔太濕又唔太油, 廚師手藝已經係達人級 單以炒意粉呢一環講, 已經接近高級既餐廳, 只係配菜方面就一般咁啦奶茶: 傳統絲襪奶茶, 香滑有茶味干炒公司意粉$42 配飲品$1
舖位細, 坐位唔多, 格局係傳統兩排卡位, 中間則係四人細枱
之所以話佢特別, 係因為佢地係無飯既
你無聽錯, 佢地真係無飯既, 我曾經親口問過
咁佢地又食D乜野呢?
如果有睇麥兜應該聽過, 早餐=常餐, 晚餐=散叫, 呢度就係咁勒
中午一點半入去, 好多人要撘枱, 中間四人枱同人撘, 顯得比較迫
佢地係無午餐同晩餐呢兩樣野, 只有早餐同下午茶, 我自己叫左個干炒公司意粉加奶茶
所有炒粉麵類加十蚊配野飲, 冷熱同價
撘枱果兩位仁兄就叫左兩個早餐, 響中午一點半叫兩個早餐
不過我四圍左右好多都係食緊早餐
夠特別未?
干炒公司意粉: 有叉燒, 牛肉, 雞肉, 火腿, 葱粒, 煎蛋一隻, 可能因為專心做炒粉, 無可否認佢地D炒意粉好出色
意粉一條都無燶, 軟硬度剛剛好, 而且唔太濕又唔太油, 廚師手藝已經係達人級
單以炒意粉呢一環講, 已經接近高級既餐廳, 只係配菜方面就一般咁啦
奶茶: 傳統絲襪奶茶, 香滑有茶味
干炒公司意粉$42 配飲品$10, 合共$52
Other Info. :
事實上金園最出名其實係蛋韃, @$6, 其次係奶茶, 意粉亦炒得好
而佢地餐牌亦介紹自家製黑胡椒汁, 不過我無特登叫
如果剔除價錢黎講, 炒意粉, 奶茶, 蛋韃呢三樣係名不虛傳
但$52一個普通午餐, 呢個地段黎計真係非常咁貴
好矛盾囉, 所以我評佢地味道四星, 抵食一星
(The above review is the personal opinion of a user which does not represent OpenRice's point of view.)
Post
