Video
Read full review
2022-09-28
614 views
第一次食 Doraya 已經差不多十年前（？），當時係同一個中學同學去食，嗰個同學而家已經無聯絡了。記得當年食 Doraya 係好奢侈嘅事，可能因為咁所以特別難忘，記憶中係我食過最好味嘅魚生飯今次黎叫番我最鍾意嘅醬油吞拿魚丼套餐 $148。定食有埋前菜、漬物、茶碗蒸、麵豉湯&西瓜。所有嘢嘅味道一如既往咁無得彈，就連西瓜都好清甜主角--醬油吞拿魚丼，厚切吞拿魚粒鋪滿大半碗飯，醬油調味令吞拿魚嘅鮮味更加突出，一啖接一啖完全停唔到口蒜香吞拿魚丼定食，都係$148。試咗少少，蒜香味好正，適合鍾意重口味嘅人。多年後再食Doraya，食物水準依舊非常高，而家再食覺得勁抵食，性價比超高！魚生依舊，人面全非。有時候有啲朋友就係咁，明明無鬧交無咩特別原因，就係因為各自生活圈子唔同咗，返工後又越來越忙，自自然然就斷咗聯絡。雖然有點小可惜，但係中學快樂嘅回憶依然在心中。祝福我嘅中學同學過得快樂幸福，如果某一日再食 Doraya，唔知佢會唔會都想起我呢？
今次黎叫番我最鍾意嘅醬油吞拿魚丼套餐 $148。定食有埋前菜、漬物、茶碗蒸、麵豉湯&西瓜。所有嘢嘅味道一如既往咁無得彈，就連西瓜都好清甜
主角--醬油吞拿魚丼，厚切吞拿魚粒鋪滿大半碗飯，醬油調味令吞拿魚嘅鮮味更加突出，一啖接一啖完全停唔到口
蒜香吞拿魚丼定食，都係$148。試咗少少，蒜香味好正，適合鍾意重口味嘅人。
多年後再食Doraya，食物水準依舊非常高，而家再食覺得勁抵食，性價比超高！
魚生依舊，人面全非。有時候有啲朋友就係咁，明明無鬧交無咩特別原因，就係因為各自生活圈子唔同咗，返工後又越來越忙，自自然然就斷咗聯絡。雖然有點小可惜，但係中學快樂嘅回憶依然在心中。祝福我嘅中學同學過得快樂幸福，如果某一日再食 Doraya，唔知佢會唔會都想起我呢？
Post
