蘇三茶室 (Closed)

已經第4次點麵豉牛扒。。。初次點時覺得牛扒為何會跟麵豉拉上關係，靚牛扒就大火煎個3-5成熟就已經好好食了，但經點主推介，就要了這道菜。一食就連食了4次! 厚厚嘅牛扒，用麵豉醃制，長時間熟成，保留牛扒原味，亦添加了麵豉的咸香味，牛扒也可以多元化~除咗牛扒，今次試咗2款新菜式。。。原個洋蔥湯同茶薰三文魚。洋蔥湯常見客人點，但自己反而第一次，熱熱的原個上，作為湯盅嘅洋蔥亦都好淋，但記住，要飲完湯至好食個洋蔥呀，唔係會漏湯㗎!茶燻三文魚，嘩! 好大嘅驚喜! 聽菜名以為係煙燻嗰一門，但原來佢係用煙過嘅茶煮湯再低溫浸魚，魚肉呈粉紅，異常嫩滑，好好食! 別個應該係斷牛扒後入選嘅連食菜!其他仲點咗鴨肉雲吞，砵酒蟹同雞湯銀絲旺，但全部唔記得影，淨掛住食。。。甜品好少食，因為通常到尾聲已經飽到嘔，但每次同呢幾個飯腳去呢到食飯時，佢地幾飽都要點呢個蘋果批，所以今次我都要試一試! 噢，原來係有道理㗎，之前一路唔識貨添。。。蝕!