Video
Read full review
2013-11-20
127 views
之前曾經多次去過豚王在銅鑼灣的分店，今次終於有機會去中環呢家試試喇！跟男朋友大約7點15分到，係我地前面大約有6個人已經排緊，不過條龍都move 得好快，我地未選好拉麵就已經入得喇！環境方面，我覺得比銅鑼灣店還要寬敞還要舒服，我地被安排坐bar 台，但一d 都唔迫，同隔離既陌生人都可以相隔大半個身位，至少我既筷子唔會碰到其他人啦～我地兩個叫左一個黑王、一個豚王，再加一個溏心蛋。都是選普通濃度普通硬度，一如既往，黑王依然係我既最愛！黑王其中一個特別之處在於佢有一小球墨汁肉碎，肉味同墨汁配搭得好好，將佢混合麵一齊食，又香又濃郁！相比之下豚王就無黑王咁出色了，雖然同樣的有質素：拉麵煙韌彈牙、义燒夠滑，但湯底相對上就比較單調清淡，適合喜愛清淡的朋友～至於溏心蛋呢，三個字：無得彈！蛋又滑又香，而且係流心的～必叫！
今次終於有機會去中環呢家試試喇！
跟男朋友大約7點15分到，
係我地前面大約有6個人已經排緊，
不過條龍都move 得好快，
我地未選好拉麵就已經入得喇！
環境方面，我覺得比銅鑼灣店還要寬敞還要舒服，
我地被安排坐bar 台，
但一d 都唔迫，同隔離既陌生人都可以相隔大半個身位，
至少我既筷子唔會碰到其他人啦～
我地兩個叫左一個黑王、一個豚王，再加一個溏心蛋。
都是選普通濃度普通硬度，
一如既往，黑王依然係我既最愛！
黑王其中一個特別之處在於佢有一小球墨汁肉碎，
肉味同墨汁配搭得好好，將佢混合麵一齊食，又香又濃郁！
相比之下豚王就無黑王咁出色了，雖然同樣的有質素：拉麵煙韌彈牙、义燒夠滑，
但湯底相對上就比較單調清淡，適合喜愛清淡的朋友～
至於溏心蛋呢，三個字：無得彈！蛋又滑又香，而且係流心的～
必叫！
Other Info. :
食完黑王記得要飲水同抹口啊！如果唔係d牙會好黑～哈哈
(The above review is the personal opinion of a user which does not represent OpenRice's point of view.)
Post
