Spring field (Closed)

一食難忘和牛湯河大滿足—Spring Field天氣凍凍地，又係食熱食湯河的好日子，話說雲遊大思對越南湯河一向都麻麻地，比起泰式冬蔭公湯河，越式湯河的味道一向都偏淡，所以越式河從來都唔係雲遊大思首選的菜式。不過呢間位於灣仔的和牛濃湯河專門店，就顛覆左雲遊大思對越式湯河的感覺，因為真係好味到震呀，絕對推介大家一試。個個嚟呢間舖都推薦大家食招牌春園河，不過貪心的雲遊大思就揀左「大滿足全牛河」，佢有齊半生熟安格斯牛肉、澳洲牛肉丸、慢煮牛肉條同蘿蔔粒，主食可以揀配河粉定金邊粉。望落去平平無奇的一碗河粉，但飲一啖湯就會靈魂出竅，因為真係好好味。湯頭用上和牛烹煮而成，牛味濃郁又清甜，係令你一飲想再飲的，味道唔似一般PHO的味精湯底。而半生熟的安格斯牛好有肉味，口感軟腍但略帶少少筋，牛丸彈牙有肉汁，慢煮牛筋條好腍好有肉味，另外佢的河粉都同其他PHO好唔同，係超級滑溜同煙韌，吸晒啲湯都無發脹的感覺。至於小食方面都有驚喜，招牌春卷外脆內軟，用生菜包著食更好味。總整嚟講，雲遊大思係成碗湯河連湯都食埋飲晒，真係好味到要全碗清呀。難怪大J同太太 Mai San都極度推薦，話要每星期食一次。地址：灣仔汕頭街25