Video
Read full review
2014-01-03
282 views
之前睇到百利冰室的食評話呢度食lunch好迫，其實在上環區有邊度食lunch係唔迫的?! 如果在peak hour都可以輕鬆搵到位的話，果間餐廳好食極有限啦………結果尋日自己一個人去食lunch，已經有心理準備會多人。一入去前面有幾個人等位，我仲以為要等好耐，原來前面d人未人齊，餐廳叫佢地等齊人先入座。但佢地係咁喺度嘈，話點解入面咁多枱都唔俾佢地入去，我心諗，人地餐廳寫到明話繁忙時間人齊入座，如果你一個人來霸住張大枱等足一個鐘，咁對餐廳好唔公平啫！我真係唔明佢地嘈乜！不過就係好在餐廳有呢個人齊入座的政策，所以我呢d一條友來吃飯的好快就有位。 坐低左喺角落頭一張細枱，隔離張大枱都有啲一、兩位搭枱。一坐低侍應就拎左杯暖水俾我。見到佢地有肉醬意粉，但天氣凍想食d飯，問佢可唔可以要肉醬焗飯，佢話ok。結果我個焗肉醬意粉轉飯大約15分鐘之後就到。一上枱，熱辣辣香噴噴！肉醬上面有d番茄碎粒，面層焗得乾身仲有少少脆，肉汁留左落去d飯度，口感與味道都好好。臨走時我一起身埋單，幾個侍應大大聲同我講「多謝晒！」唔講d人以為我幫襯左幾千蚊！其實只係70幾蚊！
結果尋日自己一個人去食lunch，已經有心理準備會多人。一入去前面有幾個人等位，我仲以為要等好耐，原來前面d人未人齊，餐廳叫佢地等齊人先入座。但佢地係咁喺度嘈，話點解入面咁多枱都唔俾佢地入去，我心諗，人地餐廳寫到明話繁忙時間人齊入座，如果你一個人來霸住張大枱等足一個鐘，咁對餐廳好唔公平啫！我真係唔明佢地嘈乜！不過就係好在餐廳有呢個人齊入座的政策，所以我呢d一條友來吃飯的好快就有位。
坐低左喺角落頭一張細枱，隔離張大枱都有啲一、兩位搭枱。一坐低侍應就拎左杯暖水俾我。見到佢地有肉醬意粉，但天氣凍想食d飯，問佢可唔可以要肉醬焗飯，佢話ok。
結果我個焗肉醬意粉轉飯大約15分鐘之後就到。
一上枱，熱辣辣香噴噴！肉醬上面有d番茄碎粒，面層焗得乾身仲有少少脆，肉汁留左落去d飯度，口感與味道都好好。臨走時我一起身埋單，幾個侍應大大聲同我講「多謝晒！」唔講d人以為我幫襯左幾千蚊！其實只係70幾蚊！
Other Info. :
想讚一下餐廳員工的態度…… 好細心，好肯同d客講解，我親眼見到、親耳聽到坐我隔離枱那位人兄，坐低唔夠5分鐘然後催d野食快d到 @@" 然後個侍應就同佢解釋話焗飯要等耐d因為即叫即焗等等…… 其實我個焗飯都左大約3個字先到，焗飯要等，是常識吧？！如果你一order d野食轉頭就有，你更應該懷疑d野食係唔係新鮮啦，下嘩？
即係呢，以一間茶餐廳來說，百利冰室真係算唔錯，野食ok侍應又勤力！所以我覺得真係需要在這個平台幫餐廳平反一下！那些無理投訴的香港人，你地可唔可以反省下，究竟你地去食野係滿足口腹之慾，定係去人地度撩交嗌？！
(The above review is the personal opinion of a user which does not represent OpenRice's point of view.)
Post
