Promenade 西餐廳

Open Now

Now Closed

今日同親戚去呢間食自助餐，都唔知有幾耐未黎過啦。始終係假日，所以呢度例牌好多人。野食唔知有無好食到呢，一試勝於雄辯。熱盤其實中西美食都有好多選擇，牛仔肉味道唔錯。肉質鮮嫩，入口即溶。我覺得其他野食就無乜特別，但都幾好食架。冷盤生蠔無以前咁好食，不過都過得去既。唔知點解，好想食凱撒沙律。羅文生菜都幾好食，好鍾意加埋芝士食，真係好正。甜品呢個係重頭戲，因為好多選擇。當然，哈記雪糕就一定唔小得。有八種口味任你食，但人龍實在太長啦。芝士蛋糕就只得藍莓一種，就小左啦。而且大路既甜品又無，提拉米素、夾餅都無。但主打既梳乎里就唔錯既，好有蛋味。不過今日既係香蕉味，同梳乎里唔係好夾。始終都係ginger味好食。飲品我一向以為只有奶茶、咖啡、檸茶、檸水呢選擇。但原來朱古力、阿華田同好立克都有既。我就要左凍朱古力，一飲就知係用粉沖，不過都幾好飲。再加哈記雪糕，就真係好正。佢地之後話檸檬茶既檸檬唔夠新鮮，仲話我杯野好好飲。服務都幾好，經常會收碟同幫你加水。佢地又有禮貌，真係幾好。不過找錢到就有小小問題，下次希望佢地可以計清楚。