泰國人海南雞 (弼街) (Closed)

與友人一起行街，餓了，入左黎呢間泰國人海南雞醫肚。黎到泰式餐廳，咖喱與冬蔭功總是少不了，但既然只係午餐，亦唔會食咁多，所以只叫了最常見的黃咖喱牛腩飯與冬蔭功湯金邊粉。黃咖喱牛腩飯香味十足，咖喱既濃烈味中帶有泰式香料既味道，的確做到引人垂延既效果。一入口，己經食得出椰奶既味道，牛腩夠淋，亦尚算入味，夠哂滑。冬蔭功湯金邊粉酸辣冬蔭功味道配上金邊粉，同樣泰國香料既味道芳香，與冬蔭功搭配之下，令金邊粉味道豐富，要注意既係，呢個湯底有少許辣，但對於愛辣既我更為吸引，最後飲埋Ｄ湯。價錢好抵食，依家求求其去一間無咩裝修既泰式餐廳，唔駛諗，２個人至少１５０ＵＰ，能夠以１００元左右品嚐此等味道，值。