紫蝶花 (Closed)

呢間餐廳係翻新左既將軍澳中心，睇網上評價好似麻麻。但經過望入去見d人檯上面既野食都唔係好差又唔使排隊於是就試一試佢~美祿恐龍好大杯，但面頭冇我第一次飲果種勁多美祿粉果種誇張~另外有一層好滑既cream，好似食軟雪糕咁~再呷一啖底層既美祿~可可味香濃~係我喜歡既味道!星洲炒蘿蔔糕見好多人推介就試一試，蘿蔔糕表層非常香脆，味道微辣，好香口，切成一口size容易食，仲食到蘿蔔絲，唔錯!馬來咖哩牛肋條咖哩香濃唔算辣，但牛肋條份量唔多，肉質都夠林唔會好難食，我地仲點多個手抓餅點咖哩，手抓餅煙煙韌韌配咖哩汁最夾!泰式炒金邊粉賣相好討好，有d花生碎同辣椒碎係旁邊，撈埋一齊好香好惹味。金邊粉彈牙，炒得夠味，濕潤感剛好，唔會乾爭爭。寫完食評先發覺原來星馬泰既野都食齊喎~總括黎講食物同飲品我又覺得係合格以上，服務態度都好好，侍應好有禮貌~其實都唔係好伏姐!