聚點 (Closed)

今晚天朗氣清，喺尖沙咀K11商場行左一陣，跟著嚟左呢間港式茶餐廳食晚飯，可能時間尚早，只不過六點過左少少，人唔算多，但入面尚算夠光猛同企理，裝修設計走大衆化路線，唔駛比多左錢食裝修，叫左個例牌聚香雞，上枱時有三種醬料伴碟，分別喺自家製口水醬丶沙薑同埋薑蓉，變成一鷄三味咁樣食，都幾得意，特別個秘製口水醬唔係好辣，啱我口味，另外又叫左碟金牌牛三寶，有牛肋丶牛腩同埋牛肚，全部都夠入味又夠諗，又係一牛三味咁食。