Video
Read full review
2007-11-26
15 views
星期日晚去到呢個Pizza鋪，之前經過多次都無機會幫襯，見佢地次次都咁多人應該有啲料到，難得今晚得閒不如試下啦。結果.....兩個人叫咗Caesar Salad 同12" Sicillian pizza. 個salad 十五分鐘就到，不過dressing 重手咗啲，少啲汁會好味好多。重有...正式嘅Caesar Salad應該有少少anchovies(咸銀魚)吊味但呢度嘅無，不過理解香港人未必接受到anchovies嘅味度，所以可以理解嘅.個PIZZA就失望咗啲。唔係話唔好味，不過個餅底就真係太濃啦。食完十隻手指頭黑麻麻好似去完BBQ加炭咁。呢個現像喺我左右兩枱客都有出現。不過公平講句，佢地以經好味過Pizza Hut啲"乜乜痴心批""乜乜燒鴨批"好多了。下次唔該焗少兩分鐘啦....服務方面: 有禮貌，人手夠，不過有點兒雞手鴨腳。隔離枱落咗order，飲嘢來齊但食物order唔見咗。個老細重好大聲問"嗰枱客淨係叫嘢飲咋?!"。因為啲枱真係好迫，所以乜都聽到晒。重有... 右面張枱食唔晒個pizza叫佢地揾個紙袋裝起take away，好赫然咁見個waiter竟然用口吹開個紙袋，然後放件
兩個人叫咗Caesar Salad 同12" Sicillian pizza. 個salad 十五分鐘就到，不過dressing 重手咗啲，少啲汁會好味好多。重有...正式嘅Caesar Salad應該有少少anchovies(咸銀魚)吊味但呢度嘅無，不過理解香港人未必接受到anchovies嘅味度，所以可以理解嘅.
個PIZZA就失望咗啲。唔係話唔好味，不過個餅底就真係太濃啦。食完十隻手指頭黑麻麻好似去完BBQ加炭咁。呢個現像喺我左右兩枱客都有出現。
不過公平講句，佢地以經好味過Pizza Hut啲"乜乜痴心批""乜乜燒鴨批"好多了。下次唔該焗少兩分鐘啦....
服務方面: 有禮貌，人手夠，不過有點兒雞手鴨腳。隔離枱落咗order，飲嘢來齊但食物order唔見咗。個老細重好大聲問"嗰枱客淨係叫嘢飲咋?!"。因為啲枱真係好迫，所以乜都聽到晒。
重有... 右面張枱食唔晒個pizza叫佢地揾個紙袋裝起take away，好赫然咁見個waiter竟然用口吹開個紙袋，然後放件pizza入去！大佬呀，家陣街邊賣雞旦仔咪!!!! 衛生啲啦!!!!
下次我都係去番Pepperoni's 同Firepit好啲喇....
Post