Video
Read full review
2020-05-19
662 views
每一日都係食拉麵嘅好日子🤤 今日下晝同男朋友嚟到荃灣嘅💛團日式拉麵食嘢，不過由於鋪頭離巴士站都有一段距離，加上唔識路，我哋都行咗10幾分鐘。入鋪頭前要先喺自動販賣機買票，感覺好似喺日本拉麵店！本來幾想試黑蒜油拉麵，但聽朋友講呢度黑蒜油拉麵比較重口，所以我哋叫咗櫻花蝦拉麵($88) 同埋魚介拉麵($80)🌿 櫻花蝦拉麵 $88呢度嘅麵底可以揀曲麵或者直麵，我就叫咗曲麵，口感唔錯，亦掛湯汁。拉麵除咗有櫻花蝦，仲有原隻溏心蛋、叉燒、竹筍、紫菜。櫻花蝦拉麵湯底偏鹹，叉燒其中一邊係火灸，但除咗邊位有少少肥，其他都比較瘦，如果肥啲厚啲會好食好多。至於其他配料，都尚算滿意，而且拉麵有一大碗，份量充足，就算係男仔都好夠食。特別要讚一讚呢度嘅溏心蛋，咬落去之後，啲蛋黃流晒出嚟，又幾香滑，搞到我食到一半都忍唔住要影吓佢🤣🌿魚介拉麵 $80男朋友就試咗直麵，以直麵嚟講，呢度算好食，因為可以掛湯汁，而且麵條硬度適中。拉麵上面鋪咗一堆木魚絲，材料豐富，湯底亦有淡淡魚香，相比櫻花蝦拉麵就比較淡口。🌿小結：總括嚟講，團日式拉麵價錢合理，拉麵同配料味道唔錯，個人特別鍾意溏心蛋，只係略嫌湯比較咸同埋叉燒偏瘦。餐廳環境舒
入鋪頭前要先喺自動販賣機買票，感覺好似喺日本拉麵店！本來幾想試黑蒜油拉麵，但聽朋友講呢度黑蒜油拉麵比較重口，所以我哋叫咗櫻花蝦拉麵($88) 同埋魚介拉麵($80)
🌿 櫻花蝦拉麵 $88
呢度嘅麵底可以揀曲麵或者直麵，我就叫咗曲麵，口感唔錯，亦掛湯汁。拉麵除咗有櫻花蝦，仲有原隻溏心蛋、叉燒、竹筍、紫菜。
櫻花蝦拉麵湯底偏鹹，叉燒其中一邊係火灸，但除咗邊位有少少肥，其他都比較瘦，如果肥啲厚啲會好食好多。至於其他配料，都尚算滿意，而且拉麵有一大碗，份量充足，就算係男仔都好夠食。
櫻花蝦拉麵
$88
19 views
0 likes
0 comments
特別要讚一讚呢度嘅溏心蛋，咬落去之後，啲蛋黃流晒出嚟，又幾香滑，搞到我食到一半都忍唔住要影吓佢🤣
🌿魚介拉麵 $80
男朋友就試咗直麵，以直麵嚟講，呢度算好食，因為可以掛湯汁，而且麵條硬度適中。拉麵上面鋪咗一堆木魚絲，材料豐富，湯底亦有淡淡魚香，相比櫻花蝦拉麵就比較淡口。
魚介拉麵
$80
27 views
0 likes
0 comments
🌿小結：
總括嚟講，團日式拉麵價錢合理，拉麵同配料味道唔錯，個人特別鍾意溏心蛋，只係略嫌湯比較咸同埋叉燒偏瘦。餐廳環境舒服坐位整潔，可惜座位比較少，而且位置偏遠，所以唔係好多人幫襯，住附近嘅朋友不妨去試吓支持吓佢😛
#黃店 #拉麵
Post
