Gathering (Closed)

西餐食得多啦，今日又來到元朗，食高質素嘅gathering，位置雖然唔係喺大街，但係近住元朗警署，都唔會好難搵。今日嘅餐湯係椰菜薯仔忌廉湯，一上枱已經覺得佢嘅拉花好有特色，忌廉湯入口香濃幼滑，而且溫度恰到好處，配上幾粒青綠色嘅香草做點綴，可謂稱得上畫龍點睛。餐包外脆內軟，而且上枱嘅時候仲係熱辣辣，搽上金黃色嘅牛油，入口香脆得來又充滿牛油嘅香味。黑配白薄餅，裏面充滿着黑松露醬，白蘑菇，百里香等等嘅香料，係一層薄薄趣口嘅餅底上面放滿蘑菇同埋黑松露醬，入口香濃，而且淡淡都充滿芝士，芝士仲可以拉到絲架，餅底香脆，令人食指大動。墨汁帶子意大利飯，大大隻帶子果然係最吸睛嘅地方，帶子爽口又彈牙，將外層煎到香脆，入口啖啖肉。睇落黑蚊蚊嘅意大利飯，雖然覺得平平無奇，但係估唔到入口可以咁香濃，裏面中充滿咗少少洋蔥嘅香氣，令人回味無窮慢煮美國黑毛豬，大大隻碟上邊，放着優雅嘅黑毛豬，黑毛豬肉質厚實，切落去嘅時候覺得佢硬過石頭，但係估唔到入口係爽口彈牙，唔會好肥膩，估唔到原來豬扒都可以食到爽口彈牙嘅質感。雜果賓治，顏色鮮艷，而且夠晒冰凍，甜度恰到好處，簡直一流