醉藥雞 (啟志樓) (Closed)

以前喺荃灣返工，食過佢嘅外賣，嗰陣時已經覺得佢好食，雞湯香濃，雞肉嫩滑。今日同朋友行經荃灣，一於試下堂食版本係點，結果試完覺得真係要俾返個好評佢！🫶堂食賣相比外賣更加驚艷！首先，呢度有好多唔同款式嘅食物、小食揀，連面底都有幾款，特別有銀針粉、大光麵呢啲都幾少見👍🏻另外，店舖寬敞乾淨，仲有紙巾供應 (加分💯)、店員亦都友善👍🏻砂窩醉藥雞 (煮雞酒) 米線加溏心醉蛋 ($68+$10)首先，米線係「滾」住咁上，熱辣辣，睇落都好壯觀同埋增加食慾😳 湯底有藥膳加少少酒味，周邊有好多食材，淮山、紅棗、木耳等等，超級足料👍🏻 藥膳加酒味兩樣夾埋唔會好苦，反而有一種甜甜地嘅味道，又甜又有養生嘅感覺，食完都冇咁內疚🙈雞肉都大大件，多肉嫩滑，可以好爽咁一啖咬落去👏🏻 米線比較軟身，但係唔會淋patpat的，記得趁熱食😆 份量方面，我覺得足夠，亦可能係因為我會忍唔住飲埋個湯🤣砂窩雞湯翅米線 ($68)朋友叫嘅雞湯翅米線，同藥膳湯底係截然不同嘅味道，金黃色嘅湯底已經好搶眼球😍 而雞湯味道香濃鮮甜，下次encore我都要試下呢款😍 翅都唔少，有3-4舊加埋雞肉，食完都覺得自己好養生👏🏻👏🏻麻辣豬耳 ($36)