J大大

Open Now

Now Closed

眼見呢間J大大都屹立到超過一年，需知道喺元朗呢啲邊皮位置開嘅食店捱到過一年已經算係好叻叻㗎啦，今日卒之有機會嚟試下喇。本身想食佢個墨西哥同埋招牌熱狗，貪佢一個有肉醬，一個有芝士，不過見到佢個下午茶餐只不過係25蚊仲包埋嘢飲，而墨西哥同招牌兩種熱狗都要三字頭，所以就嗌咗個下午茶餐嘞，嗌咗之後先發現原來下午茶餐入面個熱狗係叫做原味熱狗，同招牌熱狗係唔同㗎，無咗熱溶芝士，無咗煙肉碎就完全唔係嗰回事啦，不過抵讚嘅係佢個麵包有烘過，仲烘到脆卜卜添，下次都係唔好慳嗰幾蚊喇。