鮨㐂 (Closed)

一向都欣賞呢度嘅壽司飯, 今次到訪感覺又再進步咗。醋酸味較之前再調重咗一丁點, 溫度微暖, 有咬口。十五件午餐再追加咗幾件, 全部都好食, 要嚴選最喜愛的話會包括以下：地金目鯛, 千葉 銚子平政, 鴨川小肌, 熊本赤身, 沖繩 7日中鮪腹, 沖繩 7日大鮪腹, 和歌山 13日 （追加）赤海膽, 天草 （追加）鯖棒, 下北半島鮟鱇魚肝配西瓜奈良漬 （追加）閒日午餐冇分時段坐得舒服食得滿足, 約兩小時攪掂。呢排疫情冇咁嚴重會Resume返定期再訪。