川味坊 (中海日升中心) (Closed)

之前朋友介紹黎呢間到食午餐，因為係小店，大約得28個位，所以午餐真係會等得耐少少，上次食完覺得幾好味，一於七夕同家人食多次，因為收工時間去食就完全唔洗等位，推介左家人食酸辣撈豬扒米線，見到有湯米線就試下啦，叫左個麻辣豬軟骨米線中辣走青，豬軟骨好軟身，有兩舊，個湯底都算清而且冇乜油，辣味都夠嘅，不過就好似普通左少少，唔能夠令我一試難忘。豬扒撈米線就好好味，個汁嚮底要撈勻先好味，酸菜夠多(lunch冇咁多架)，花生夠香口，豬扒夠入味，唯一不足係份量少，不論豬扒定米線，女士食就剛剛好，男士就會唔夠飽，希望可以增加返個份量啦～