Video
Read full review
2022-08-05
604 views
星期四係七夕，藉七夕呢個節日同老公去食返餐好既晚餐。我地揀左係新開既犇Ushidoki食晚市和牛Omakase，每道菜都相當精緻，而且從來無食過，充滿新鮮感，樣樣都係主打。廚師來自日本，所有侍應都識講日文，服務態度非常好，滿分既體驗。冷鉢作為第一道菜，絕對起到開胃既作用。所有和牛都用上A4-A5級，輕輕燙過，保有牛既鮮味，用上日本番茄同山藥，醋啫喱酸酸地，最後灑上烏魚子。縱使有好多食材，但互相唔會衝突，非常融和。座付湯用上熬左四個鐘既牛脷湯加六個鐘既雞湯混合而成，牛脷非常軟腍，好好食。 凌ぎ和牛壽司食左下面個件先，因為比較清，配以魚子醬，上面個件用肉眼部分，所以後食，配以蘋果紅酒汁。向付牛肉他他加左洋蔥，肉質嫩滑，配以海膽、限量既海苔天婦羅、魚子醬一齊食更加出色。溫物壽喜燒加松茸，好高級既享受，牛肉要搭配日本洋蔥、日本溫泉蛋一齊食，最後撈白飯食好正。箸休中間以青梅冰清一清個口，食一啖好軟身既青梅，再食一啖冰。強肴吉列牛三文治配海膽、魚子醬，擺盤好有心思，完全無諗過三文治可以擺得甘靚，當然都好食啦。替鉢一打開櫻花木煙燻飄出黎，牛用上菲力，好軟腍，底下係茄子，仲有一舊仿茄子既付，好可愛。燒
我地揀左係新開既犇Ushidoki食晚市和牛Omakase，每道菜都相當精緻，而且從來無食過，充滿新鮮感，樣樣都係主打。廚師來自日本，所有侍應都識講日文，服務態度非常好，滿分既體驗。
冷鉢
作為第一道菜，絕對起到開胃既作用。所有和牛都用上A4-A5級，輕輕燙過，保有牛既鮮味，用上日本番茄同山藥，醋啫喱酸酸地，最後灑上烏魚子。縱使有好多食材，但互相唔會衝突，非常融和。
座付湯用上熬左四個鐘既牛脷湯加六個鐘既雞湯混合而成，牛脷非常軟腍，好好食。
凌ぎ和牛壽司食左下面個件先，因為比較清，配以魚子醬，上面個件用肉眼部分，所以後食，配以蘋果紅酒汁。
向付牛肉他他加左洋蔥，肉質嫩滑，配以海膽、限量既海苔天婦羅、魚子醬一齊食更加出色。
溫物
壽喜燒加松茸，好高級既享受，牛肉要搭配日本洋蔥、日本溫泉蛋一齊食，最後撈白飯食好正。
箸休中間以青梅冰清一清個口，食一啖好軟身既青梅，再食一啖冰。
強肴吉列牛三文治配海膽、魚子醬，擺盤好有心思，完全無諗過三文治可以擺得甘靚，當然都好食啦。
替鉢一打開櫻花木煙燻飄出黎，牛用上菲力，好軟腍，底下係茄子，仲有一舊仿茄子既付，好可愛。
燒物炭火燒西冷可以蘸柚子醋或柚子胡椒或芥末食，配以艾草腐、蔬菜、炸素麵。
食事冷素麵好似食緊蔥油麵，可能因為有櫻花蝦乾同三文魚籽，非常香口，牛脷凍鹹鹹地，好特別。
水菓子雪糕係威士忌味，無酒精成分，取其味道，加上豆沙夾埋最中餅一齊食，好開心。另外個自家製布丁軟綿綿，好好食。
Post
