The Platter (悦品天秀酒店‧元朗) (Closed)

自從疾情開始呢間係天水圍酒店入邊嘅餐廳就開始做緊唔同嘅折扣優惠，前牌做緊七折晚市半自助餐優惠，決定一試。由於係酒店入邊嘅餐廳，地方都算大，座位之間尚算闊落坐得舒服。自助區方面嘅選擇就真係好少啦，除咗飲品之外，有少量嘅甜品，兩款湯嘅選擇，仲有少量嘅沙律菜同泡菜，半自助形式來講都算比較少選擇。比較推介嘅係個南瓜湯，都算幾濃郁，同埋個焦糖燉蛋。至於主菜方面，選擇都有唔少，牛扒就係最貴既， 但係就10分失望，比較硬又乾，唯一驚喜嘅係佢嘅配菜薯蓉，好香牛油味。