利寶閣 (Closed)

有朋友食完利寶閣之後強烈推介男朋友食，於是乎今日收工之後，我地就去左尖沙咀間利寶閣食晚飯。我地叫左谷飼豚肉叉燒飯配原盅佛跳牆（$188）谷飼豚肉叉燒係半肥瘦而且厚切，肉味香濃！佛跳牆好足料，有鮑魚、遼參、魚翅、花膠同瑤柱等等嘅食材，火候十足燉到濃而不膩，正！豐衣足食莧菜（$88）本身係想叫翡翠苗但賣曬，莧菜煮得入味，唔錯。紫蘇三蔥和牛粒（$158）炒得香口嘅和牛粒食落一d都唔韌。蛋黃醬脆皮石斑粒（$58）外脆內軟棉棉，蛋黃醬亦突顯出石斑嘅鮮味~呢到雖然唔大，但勝在staff夠親切有禮，我同男朋友都想再黎！