Video
Read full review
2018-03-22
38 views
本來我男朋友收六點，約好左今晚打邊爐。點知佢要ot，但我又好想打邊爐，於是今晚我決定打個”一個人的邊邊”XD店員表示新張期間送一碟藕帶，醃製過嘅藕帶酸酸辣辣而且咬落爽口！湯底我叫左麻辣湯（$128）好多時香港嘅麻辣火鍋湯底都係得個樣，望落就紅卜卜但食落就一d都唔辣！呢到就唔同喇，我叫小辣已經好夠香同辣，建議餐廳加多個BB辣度for唔太食得辣嘅客人XD另外，值得一讚係，店員時不時自動自覺黎加湯，而且係加麻辣湯。唔似一般餐廳加清湯甚至係滾水，咁樣就唔會愈打愈淡味！由於我自己一個食，所以只有叫蔬菜拼盤（$48）、足料韭菜餃六粒（$38）同埋一罐可樂（$14）蔬菜拼盤將d菜擺成花形，入面有金菇、鮮冬菇、白菜仔、粟米等等唔同嘅新鮮蔬菜。d菜吸滿辣湯，正呀XD而足料韭菜餃鮮美多汁，我諗就算用清湯碌都一樣咁好食！食到七七八八，我竟然仲想食野，我係咪太低估自己食量呢XD但依家冇理由叫多碟牛肉食姐，咁又太多over喇。於是我叫左甜品-薑茶水中花（$38）佢係由師傅人手即時將豆腐切成花，”豆腐花”驟眼睇就好似朵白色菊花，令我諗起”白菊開時最不眠”呢句詩。”豆腐花”嘅滑加上薑茶嘅微辛味，為我呢個”一個人的邊
本來我男朋友收六點，約好左今晚打邊爐。點知佢要ot，但我又好想打邊爐，於是今晚我決定打個”一個人的邊邊”XD
藕帶
9 views
0 likes
0 comments
麻辣湯（小辣）
$128
6 views
0 likes
0 comments
店員表示新張期間送一碟藕帶，醃製過嘅藕帶酸酸辣辣而且咬落爽口！湯底我叫左麻辣湯（$128）好多時香港嘅麻辣火鍋湯底都係得個樣，望落就紅卜卜但食落就一d都唔辣！呢到就唔同喇，我叫小辣已經好夠香同辣，建議餐廳加多個BB辣度for唔太食得辣嘅客人XD另外，值得一讚係，店員時不時自動自覺黎加湯，而且係加麻辣湯。唔似一般餐廳加清湯甚至係滾水，咁樣就唔會愈打愈淡味！
足料韭菜餃（六粒）
$38
4 views
0 likes
0 comments
蔬菜拼盤
$48
11 views
0 likes
0 comments
由於我自己一個食，所以只有叫蔬菜拼盤（$48）、足料韭菜餃六粒（$38）同埋一罐可樂（$14）蔬菜拼盤將d菜擺成花形，入面有金菇、鮮冬菇、白菜仔、粟米等等唔同嘅新鮮蔬菜。d菜吸滿辣湯，正呀XD而足料韭菜餃鮮美多汁，我諗就算用清湯碌都一樣咁好食！
薑茶水中花
$38
5 views
0 likes
0 comments
食到七七八八，我竟然仲想食野，我係咪太低估自己食量呢XD但依家冇理由叫多碟牛肉食姐，咁又太多over喇。於是我叫左甜品-薑茶水中花（$38）佢係由師傅人手即時將豆腐切成花，”豆腐花”驟眼睇就好似朵白色菊花，令我諗起”白菊開時最不眠”呢句詩。”豆腐花”嘅滑加上薑茶嘅微辛味，為我呢個”一個人的邊邊”完美落幕~~
Post
