Video
Read full review
2022-08-23
35 views
山林道一向多餐廳，今日想食串燒🍢，哩間“串酒里”位於漢國中心對面的冷巷中，吾細心搵真係好容易錯過！小店可謂麻雀雖小五臟俱全，weekday晚上都full house😯，有幾個人冇book位來到真係冇得食。入內有昏黃舒適嘅燈光💡，木質牆身🪵，有少少去咗日本食居酒屋嘅感覺。店員(可能系老闆娘?)非常親切有禮，食物上桌快又會貼心提醒趁熱食。▶️黃金蒜蓉燒日本廣島蠔🦪($88/3隻)蒜蓉怪岩曬喇，海量蒜蓉覆蓋住鮮嫩嘅蠔肉，吾會燒到縮水。中意佢醬汁嘅選擇良多，成9種吾同風味，包有一款岩你口味！▶️青芥末燒扇貝($88/3隻)青芥末做醬料真係第一次試，微甜微辣都幾特別，扇貝肉已起，食起來好方便，海鮮記得趁熱食先至鮮啊！▶️日本雞胸軟骨($36/2串) Size都吾細，胸骨仲連有吾少雞肉，夠飽！▶️川式燒雞軟骨($34/2串)細細串好滋味，川式seasonings好惹味，食完要飲多D水～▶️札幌芝麻香燒雞翼($34/2隻)雞翼燒得較乾身，肉質相對硬但系上面撒上調味粉，都幾滋味～▶️鹽燒安格斯牛柳粒($68)啖啖肉之選，肉質較嫩，外層則燒至焦香，調味個人認為略鹹，可以輕手D，就更可以突顯牛肉嘅鮮味。▶️醬燒金菇肥牛
▶️黃金蒜蓉燒日本廣島蠔🦪($88/3隻)
蒜蓉怪岩曬喇，海量蒜蓉覆蓋住鮮嫩嘅蠔肉，吾會燒到縮水。中意佢醬汁嘅選擇良多，成9種吾同風味，包有一款岩你口味！
▶️青芥末燒扇貝($88/3隻)
青芥末做醬料真係第一次試，微甜微辣都幾特別，扇貝肉已起，食起來好方便，海鮮記得趁熱食先至鮮啊！
▶️日本雞胸軟骨($36/2串)
Size都吾細，胸骨仲連有吾少雞肉，夠飽！
▶️川式燒雞軟骨($34/2串)
細細串好滋味，川式seasonings好惹味，食完要飲多D水～
▶️札幌芝麻香燒雞翼($34/2隻)
雞翼燒得較乾身，肉質相對硬但系上面撒上調味粉，都幾滋味～
▶️鹽燒安格斯牛柳粒($68)
啖啖肉之選，肉質較嫩，外層則燒至焦香，調味個人認為略鹹，可以輕手D，就更可以突顯牛肉嘅鮮味。
▶️醬燒金菇肥牛卷($48)
一串兩件，份量很慷慨嘅肥牛卷，抵食但係女士都系中意食細細件，太大件都吾知點落口好，如果可以將現在嘅size分為四份，就更方便食用喇！
▶️蘆筍煙肉卷($48)
用煙肉卷起蘆筍與沙律菜，中和咗煙肉嘅油脂，不錯～
▶️蒜蓉牛油蔬菜($58)
用錫紙兜裝，份量大而且好重蒜香味，一下就清碟～
▶️罐裝菊花茶/罐裝檸檬茶($18)
食串燒其實應該配啤酒先岩，不過當晚吾想飲酒，罐裝飲料都一樣過癮～題外話見佢好多香港本地手工粗口啤，應該吾少人系慕名而來要飲嘅，大家不妨一試～
Post
