Video
Read full review
2012-10-22
450 views
秋意襲來 , 天氣轉涼 , 係時候出動四圍打邊爐喇 !!沙角大排檔 , 任飲任食 3 小時 , 湯底另計 $ 48 一個好多人都特登轉幾程車入到黎沙田圍一試呢個火鍋 , 住得咁近 , 朋友又鍾意打邊爐 , 當然一行七人就落去食啦講真我成日覺得介紹朋友黎呢度 , 會怕朋友覺得地方擠迫環境有欠衛生 , 又無冷氣雅座 , 硬係唔係幾好意思咁 ,不過好在 so far 介紹過黎食不論小菜定火鍋o既朋友們 , 都覺得唔錯 , 所以我對新廣發真係越黎越有信心喇 ^^呢度係大排檔 , 一定係嘈吵 , 一定地下痴立立 , 一定人迫人但勝在伙記夠勤力 , 開枱搬爐上湯底加水執野等等 , 你企起身舉手 , 嗌到佢地過黎佢地都好快手過黎幫你火鍋配料係自助形式 , 可以稱得上係包羅萬有 , 勁多過好火鍋店飲品係細枝裝 , 可樂忌廉芬達任飲 , 大大個冰櫃 , 自己開汔水蓋 ,所以一地都係 , 著涼鞋o既要小心 , 同埋都比較濕 , 要小心地滑有人會 keep 住 fill d 冰同汔水落去 , 所以大部份都好夠凍 ~ 呢晚o既任食海鮮有蠔 , 蜆同蝦 , d 蜆好新鮮 , 仲伸晒利 , 間中一兩隻會有沙
沙角大排檔 , 任飲任食 3 小時 , 湯底另計 $ 48 一個
好多人都特登轉幾程車入到黎沙田圍一試呢個火鍋 ,
住得咁近 , 朋友又鍾意打邊爐 , 當然一行七人就落去食啦
講真我成日覺得介紹朋友黎呢度 , 會怕朋友覺得地方擠迫
環境有欠衛生 , 又無冷氣雅座 , 硬係唔係幾好意思咁 ,
不過好在 so far 介紹過黎食不論小菜定火鍋o既朋友們 ,
都覺得唔錯 , 所以我對新廣發真係越黎越有信心喇 ^^
呢度係大排檔 , 一定係嘈吵 , 一定地下痴立立 , 一定人迫人
但勝在伙記夠勤力 , 開枱搬爐上湯底加水執野等等 ,
你企起身舉手 , 嗌到佢地過黎佢地都好快手過黎幫你
火鍋配料係自助形式 , 可以稱得上係包羅萬有 , 勁多過好火鍋店飲品係細枝裝 , 可樂忌廉芬達任飲 , 大大個冰櫃 , 自己開汔水蓋 ,
所以一地都係 , 著涼鞋o既要小心 , 同埋都比較濕 , 要小心地滑
有人會 keep 住 fill d 冰同汔水落去 , 所以大部份都好夠凍 ~
呢晚o既任食海鮮有蠔 , 蜆同蝦 , d 蜆好新鮮 , 仲伸晒利 , 間中一兩隻會有沙 , 都唔細隻o家 , 我食到好隻都好鮮甜
蠔又係好肥美 , 雖然唔係幾重蠔味 , 但有得任食已經值回票價
蝦就有大有細 , 但我食左咁多隻都無食到梅o既 , 全部都爽口彈牙
我見佢一大個發泡盒裏面裝面蝦連埋冰 , 不停 refill ~
另外仲有鯇魚件同脆鯇片 , 不過多人一齊打怕整到成煲骨所以無試
蔬果類菇菌類 : 薯仔蓮藕蕃茄粟米南瓜冬瓜金菇秀珍菇 ,日本白菇雞脾菇鮮冬菇 , 唐生菜唐蒿紹菜西洋菜油麥菜
樣樣都唔錯 , 由其係 d 菇 , 洗得幾乾淨 , 蕃茄又大又紅
打邊爐不可或缺o既係肥牛 , 呢度勁到有成部切片機o係度 , 有專人企o係度不停刨 , 所以唔會攪到一大盆肥牛紅淋淋
保持新鮮 , 多人夾到我每次去睇個盆都係剛刨出黎o既 , 仲係一卷卷有層霜o係面o既 , 厚薄適中 , 肥廋均勻 ,
連我平時唔特別鍾意食牛o既 , 都食左好多 , 肥牛迷實鍾意
肉類仲有雞件滑雞片 , 連雞翼都有 , 豬肉片滑牛肉片 ,
內臟有豬潤豬紅粉腸鵝腸牛柏葉等 , 試左少少鵝腸同牛柏葉
唔會太大抽太韌攪到咬都咬唔到 , 相反仲好爽好有嚼勁丸類多到嚇親人 , 魚旦都有分炸魚蛋 , 白魚蛋 , 潮州手打魚蛋 ,
有一隻好似炸魚蛋但深色 d 大粒 d o既係魚腐 , 好綿好香魚味好好食
包心丸除左蟹籽同芝士 , 仲有一隻好特別好好味o既忌廉磨菇丸 ,
一般o既牛丸貢丸墨魚丸八爪魚丸魚片龍蝦丸芝士腸貢根當然不乏
此外仲有蟹柳火腿丸魚蓉燒賣連牛肉燒賣都有 , 每樣試一粒都飽到爆
其他類 : 烏冬 , 公仔面 , 芋絲 , 魷魚 , 鮮雞蛋 , 生根炸芋炸魚皮炸枝竹 ,
豆卜豆乾豆腐 , 木耳 , 粉絲 , 西芹 , 紅腸等等不能盡錄 , 真係要試過先知## 七個人每人 $ 80 , 大家都好滿足 , 各人都總會搵到自己鍾意食o既野
嘻嘻哈哈咁大拆一餐 , 三五成群年輕人 , 呢度真係一個好好o既選擇
Post
