Dodam Chicken (利舞臺廣場)

Open Now

Now Closed

今日約咗個唔使返工嘅太太friend,大家都好鍾意煲韓劇， 過咗海喺銅鑼灣行到腳軟，揀咗韓式烤雞炸雞，Dodam Chicken 環境寬敞，有卡位，亦都適合大班人。以我估計老闆係一對韓國人夫婦。兩個人嗌咗個韓式魚片湯, 雙拼烤雞(原味同白雪山芝士味)， 再叫咗個韓式酒精飲品Rita, 佢哋用咗apple cider， 好大杯 兩個人share都夠。一盆兩款，每款雞大概有七至八件，新鮮烤起，好入味! 好好食! 好香口! 心急又肚餓嘅我哋手套都冇戴即刻就拎起嚟食， 熱辣辣好新鮮!先試個原味烤雞，火候啱啱好，皮脆肉香，正!個白雪山烤雞面頭嘅芝士粉有啲似韓式蜂蜜芝士薯片嗰種香味，越食越滋味，食到停唔到口!韓式魚片湯都好大煲， 夠四個人飲，唔同種類嘅魚蛋魚片，有洋蔥有蛋，配雞都唔錯。下次應該嗌多啲人嚟，試多啲其他嘢食，尤其是炸雞。