Cafe Fabulous

Open Now

Now Closed

難得疫情受控，咁當然要出嚟聚一聚啦，今次同表弟約咗去一間cafe度hea，旺角就足夠腳。🤗Cafe Fabulous 係樓上cafe嚟嘅，環境都好大，裝修都幾別緻，七八個人圍埋一齊坐都不成問題。🤟🏻🤟🏻同表弟叫咗兩個set，一個自製芝士肉醬意粉🍝，一個日式咖哩雞🍛。個芝士肉醬意粉非常之好味🍝，新鮮焗出嚟嘅，味道好濃郁，諗住cafe啲嘢都係好普通通，點知有驚喜真係好食，值得一讚。日式咖哩雞🍛，個雞件炸得好好，外脆內軟，味道都得唔錯。仲叫咗兩杯咖啡，我叫咗杯椰香咖啡☕，真係唔錯椰子味好香，值得一試。上得嚟cafe玩當然有好多棋牌遊戲啦🎲🃏，大富翁呀啤牌呀狼人殺喇嗰啲一定必有㗎喇，我同表弟選擇咗捉象棋佢提議嘅，最後當然係我大勝啦，哈哈。環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️呢間cafe坐得好舒服，醉眼三五知己一齊chill下可以坐成四五個鐘頭都得。