円相

Open Now

Now Closed

男朋友不嬲都鍾意食日本嘢，幾個月無返去日本玩下，今日又話想食居酒屋🤣上網搵到呢間円相，舖頭睇落細細地幾有日本居酒屋嘅感覺，過去果然已經有幾台客人微醺狀態，傾偈傾得勁開心😂😂都幾有氣氛。因為我哋得兩個人，今次都係試吓啲食物質素先。鐵板蒜香帆立貝口感豐味，因為係用鐵板上，香味特別誘人保留了帆立貝鮮甜嫩滑的特色，又有獨特的燒烤香氣。安格斯牛柳粒炒飯牛柳粒口感嫩滑，肉質鮮嫩，肉汁滲透落去個炒飯都令到成個炒飯都有牛肉香味。不過叫完見到menu上面都有另一個就咁鐵板燒牛柳粒🤣就咁叫做小食都唔錯日式炸雞我就比較鍾意呢個炸雞，香脆多汁，有別於美式炸雞或者韓式炸雞，唐揚炸雞嘅炸粉比較薄，感覺輕盈少少。唐揚甜蝦男朋友最欣賞呢個小食，炸得唔乾，入口脆卜卜唔使剝蝦殼，仲有甜蝦獨有嘅鮮味。其實見到飲品櫃裏面有唔少酒都好特別，喺出面冇見過，下次同朋友嚟有機會一定會試吓啲酒。買單時店員仲送咗兩個小蘋果同一個碟俾我哋帶走話係每個客人都有既🤭 店員嘅疫情令我有少少諗起喺日本食飯既感覺👍🏻