Video
Read full review
2007-02-27
11 views
今晚一行五丁, 煩緊去邊度食... 男朋友駕車去黃金海岸. 一上到地面, 見到呢間餐廳氣氛好似唔錯, 所以揀佢. (之前我都0黎過openrice.com睇過呢間野0既評語)五個人, 揀0左兩個兩人餐, 每人$130.沙律同小食都ok. 男朋友話牛肉好熟, 0岩晒佢(因為佢食生野就肚痛). 但我嫌舊牛熟得滯, 有渣. 同舊牛同一碟上0既龍蝦好香, 幾爽口. 食龍蝦肉時千祈唔好唔記得點下個蒜蓉... 用牛油煮過0既蒜蓉(加0左少少香草)... 嘩, 點蝦冇得彈! 食0左鱈魚, 好滑! 茄醬煙肉意粉都唔錯... 可能我鍾意食偏甜0既紅汁意粉其實出面個景好好, 尤其是呢排仲係新年, 黃金海岸沿途都掛晒紅燈籠. 可惜出面d露天位太大煙味... >_<臨走前, 個manager畀0左兩張免費一粒鐘0既泊車券我地. 所以食0左三粒鐘, 都係畀$14泊車. ok抵!最後都要回應畀過評語0既朋友... 我都覺得呢間餐廳0既待應同manager服務態度有改善空間. 例如有個待應, 落單時又唔用紙筆寫低我地要乜, 我地總共講0左4次我地要咩... 又, 埋單時, 我地搖手叫埋單. 個man
五個人, 揀0左兩個兩人餐, 每人$130.
沙律同小食都ok. 男朋友話牛肉好熟, 0岩晒佢(因為佢食生野就肚痛). 但我嫌舊牛熟得滯, 有渣. 同舊牛同一碟上0既龍蝦好香, 幾爽口. 食龍蝦肉時千祈唔好唔記得點下個蒜蓉... 用牛油煮過0既蒜蓉(加0左少少香草)... 嘩, 點蝦冇得彈! 食0左鱈魚, 好滑! 茄醬煙肉意粉都唔錯... 可能我鍾意食偏甜0既紅汁意粉
其實出面個景好好, 尤其是呢排仲係新年, 黃金海岸沿途都掛晒紅燈籠. 可惜出面d露天位太大煙味... >_<
臨走前, 個manager畀0左兩張免費一粒鐘0既泊車券我地. 所以食0左三粒鐘, 都係畀$14泊車. ok抵!
最後都要回應畀過評語0既朋友... 我都覺得呢間餐廳0既待應同manager服務態度有改善空間. 例如有個待應, 落單時又唔用紙筆寫低我地要乜, 我地總共講0左4次我地要咩... 又, 埋單時, 我地搖手叫埋單. 個manager同待應們睇電視睇到眼定定, 竟然睇唔到我地揮手... -_-
Post