Cafe Siam (科士街) (Closed)

晚餐用預約app 有7折！環境十分舒適，有點西式餐廳的感覺。檯面有兩支水，同外國餐廳一樣，只要你一開就會收你錢，所以我地問侍應有無其他水，佢話有水龍頭水，介唔介意？水龍頭水則是過濾水，不過宜間連檸檬都唔會加黎辟味。先上菜的是小食拼盤，其實味道是不錯，十分香口，不過價錢上好像有點貴。主菜是金邊粉，同出面相比，宜家賣相較靚，外圍有層雞蛋，但味道跟一般的餐廳差不多。另一道主菜是椰汗焗飯，我俾滿分，椰汁味夠香夠濃，最後記得要食埋椰肉。最後一道是溜左單的招牌沙律，的確比較特別，但比較咸。宜間餐廳的份量會比較少，四個人食四道菜都感覺不夠，但環境就一流。